| e-texts navigator |
| བོད་ཡིག |
138b1 'jug ste/ gzung ba dang / 'dzin pa'i mtshan nyid med pa dang / rnam par rtog pa'i 'jug pa gnyis yongs su shes pa dang / phyi rol gyi dngos po dang / dngos po med par lta ba dang bral ba dang / rang gi sems tsam du khong du chud pa'i phyir rnam par rtog pa ni rtog pa'i mngon par 'du
138b2 byed pas 'jug gi / mngon par 'du ma byas pas ni ma yin no/ /sems dang / rnam par rtog pa dang / dngos po dang / dngos po med pa dang bral zhing rang gi sems snang ba tsam du khong du chud pa'i phyir 'jig rten pa dang / 'jig rten las 'das pa dang / 'jig rten las 'das
138b3 pa mchog gi chos thams cad ni rtag pa nyid kyang ma yin/ mi rtag pa nyid kyang ma yin no/ /rang gi rnam par rtog pa khong du ma chud pa'i phyir/ lta ba ngan pa mtha' gnyis su lhung ba'i bsam pas mu stegs byed gtam gyi skyes bu sngon ma grub pa thams cad mi rtag pa nyid du rtog go/ /
138b4 blo gros chen po mu stegs byed thams cad dang / 'jig rten pa dang / 'jig rten las 'das pa dang / 'jig rten las 'das pa'i mchog gi tshig tu rnam par rtog pa las byung ba'i chos thams cad kyi mtshan nyid rnam pa gsum ste/ byis pa lta bu'i so so'i skye bo rnams kyis khong
138b5 du mi chud do/ /de la 'di skad ces bya ste/ rab tu rtsom pa rnam ldog dang / /dbyibs kyi rnam pa gzhan gyur dang / /gzugs dang dngos po mi rtag par/ /mu stegs can rnams myos shing rtog /'byung ba 'byung bas nyid gnas pas/ /dngos po rnams la 'jig pa
138b6 med/ /lta ba sna tshogs bying bas na/ /mu stegs can dag mi rtag rtog /mu stegs can dag gang la yang / /'jig pa med cing 'byung ba'ang med/ /'byung ba 'byung ba'i dngos rtag na/ /ci la mi rtag nyid du rtog /'di dag thams cad sems tsam ste/ /gzung
138b7 dang 'dzin pa'i dngos por ni/ /rnam pa gnyis su sems 'jug ste/ /bdag dang bdag gi yong med do/ /tshangs la sogs pa gnas kyi bar/ /sems tsam du ni ngas bshad de/ /sems tsam po ni ma rtogs par/ /tshangs la sogs pa 'grub pa min/ /lang
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo