| e-texts navigator |
| བོད་ཡིག |
138a1 rnam par ldog pa'i mi rtag pa zhes bya ba ni 'di lta ste/ 'byung ba dang 'byung ba las gyur pa rab tu 'jig pa'i bar du mi 'gyur ro/ /blo gros chen po rab tu 'jig pa zhes bya ba ni rdul phra mo'i bar du rab tu 'byed cing yongs su rtog pa'o/ /'jig pa ni 'byung ba dang / 'byung
138a2 ba las gyur pa'i dbyibs gzhan du mthong ba'i phyir ring thung mi dmigs pa yin te/ 'byung ba rnams 'jig pa'i phyir rdul phra mo 'byung ba rnams la ni ma yin no/ /dbyibs rnam par ldog par lta bas grangs can gyi smra bar lhung ngo / /de la dbyibs mi rtag pa nyid ces bya ba ni 'di lta ste/
138a3 su la gzugs nyid mi rtag pa de la dbyibs nyid mi rtag pa nyid de/ 'byung ba rnams kyi ma yin no/ /de ste 'byung ba rnams mi rtag pa nyid na ni 'jig rten gyi spyod pa med par 'gyur ro/ /'jig rten gyi spyod pa med pa na ni dngos po thams cad tshig tsam dang / yang rang gi mtshan nyid yang skye
138a4 ba mthong ba'i phyir 'jig rten rgyang pan pa'i lta bar lhung bar 'gyur ro/ /de la 'gyur ba'i mi rtag pa zhes bya ba ni 'di lta ste/ gzugs gzhan du 'gyur ba mthong ba ste/ 'byung ba rnams ni ma yin no/ /gser gyi dbyibs dang / rgyan 'gyur ba mthong ba bzhin te/ gser ni gser gyi
138a5 dngos po las gzhan zhig pa med mod kyi/ rgyan gyi dbyibs zhig pa yin no/ /gang rnam par 'gyur ba lhung ba de la sogs pa gzhan dag tu de la sogs pa'i rnam pas mu stegs byed rnams mi rtag par lta ba la rnam par rtog go/ /'byung ba rnams ni mes bsregs kyang rang gi mtshan
138a6 nyid yin pa'i phyir/ gcig gis gcig mi tshig go/ /blo gros chen po rang gi mtshan nyid med par gyur pas 'byung ba dang / 'byung ba las gyur pa'i dngos po chad par 'gyur ro/ /blo gros chen po nga'i ni rtag pa'ang ma yin/ mi rtag pa'ang ma yin no/ /de ci'i phyir zhe na/ phyi
138a7 rol gyi dngos po khas mi len pa dang / srid pa gsum sems tsam du bstan pa dang / mtshan nyid sna tshogs ma bstan pa'i phyir ro/ /'byung ba chen po'i gnas kyi bye brag ni 'jug pa'ang med/ ldog pa'ang med do/ /'byung ba dang 'byung ba las gyur pa rnam par rtog pa gnyis su mi
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo