| e-texts navigator |
| བོད་ཡིག |
137b1 yin te/ byis pa so so'i skye bo rnams kyis khong du mi chud do/ /rgyu ni 'bras bu mi 'dra ba mi skyed do/ /de ste skyed du zin na dngos po de dag thams cad mi rtag pa'i 'bras bu mi 'dra bar 'gyur te/ rgyu dang 'bras bu bye brag med par 'gyur na rgyu dang 'bras bu'i bye brag kyang mthong ngo / /gal te de
137b2 dag gi mi rtag pa nyid dngos po yin na ni bya ba dang / rgyu'i ngo bo dang / mtshan nyid du lhung bar 'gyur ro/ /dngos po gcig gam dngos po thams cad du rdzogs par yang 'gyur ro/ /bya ba'i rgyu dang dngos po'i mtshan nyid du lhung ba'i phyir mi rtag pa bdag nyid mi rtag par 'gyur ro/ /mi rtag
137b3 pa nyid mi rtag pas na dngos po thams cad rtag par yang 'gyur te/ rtag pa nyid du 'gyur ro/ /de ste mi rtag pa dngos po thams cad kyi nang du song ba yin na ni/ de'i phyir dus gsum du lhung bar 'gyur te/ de la gang 'das pa'i gzugs de ni de dang lhan cig tu zhig go/ /ma 'ongs
137b4 pa yang gzugs mi skye ba'i phyir ma skyes pa'o/ /da ltar yang gzugs dang mtshan nyid tha mi dad de/ gzugs ni 'byung ba chen po rnams kyi gnas kyi bye brag go/ /'byung ba rnams kyi 'byung ba las gyur pa'i rang bzhin ni mi 'jig go/ /mu stegs byed gcig dang tha dad pa spangs pa'i phyir
137b5 'byung ba rnams kyi 'byung ba las gyur pa'i rang bzhin ni mi 'jig go/ /mu stegs byed thams cad kyi 'byung ba thams cad ni mi 'jig pa'i phyir srid pa gsum po thams cad ni 'byung ba dang / 'byung ba las gyur pa yin te/ de la skye ba dang / gnas pa dang / 'gyur bar gdags so/ /
137b6 gang la mu stegs byed rnams kyis mi rtag pa nyid du brtag pa 'byung ba dang / 'byung ba las gyur pa dang / tha dad pa'i mi rtag pa gzhan gang yod/ 'byung ba ni rang bzhin gyi mtshan nyid mi 'jig pas na 'jug pa'ang med/ ldog pa'ang med do/ /de la rab tu rtsom pa las ldog pa mi rtag
137b7 pa nyid ces bya ba ni 'byung ba rnams 'byung ba gzhan mi rtsom mo/ /phan tshun mi 'thun pa'i rang gi mtshan nyid pas na bye brag mi rtsom mo/ /de dag de'i bye brag med pa dang / yang mi rtsom pa dang / rnam pa gnyis dang ldan pa'i phyir mi rtsom pa la mi rtag pa'i blor 'gyur ro/ /de la dbyibs
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo