| e-texts navigator |
| བོད་ཡིག |
137a1 nyid yin te/ chos thams cad bar chad med par rgyun du rang gi ngang gis 'jig pa 'grol ba/ 'o ma las zhor 'gyur ba'i bye brag tha dad pa bzhin du dngos po thams cad la'ang mi mthong ba dang / zhig pa'i mi rtag pa nyid 'jug ce'o/ /kha cig ni dngos po mi rtag
137a2 par rtog go/ /kha cig ni dngos po'i dngos po med par mi rtag par rtog go/ /kha cig ni mi rtag pa yang de'i nang du 'dus pa'i phyir chos thams cad skye ba med pa'i mi rtag pa zhe'o/ /de la blo gros chen po dngos po'i dngos po med pa mi rtag pa nyid ces bya ba ni 'di lta ste/ 'byung ba
137a3 dang 'byung ba las gyur pa'i rang gi mtshan nyid 'jig cing mi dmigs pa dang / 'byung ba'i ngo bo nyid mi 'jug pa'o/ /de la skye ba med pa'i mi rtag pa zhes bya ba ni 'di lta ste/ rtag tu mi rtag pa dang / yod pa dang / med pa las mi 'byung ba dang / chos thams cad mi mthong ba
137a4 dang / rdul phra mo'i bar du brtags na/ mi mthong ba 'di ni mi skye ba'i tshig kyi skye ba ni ma yin no/ /blo gros chen po de ni mi skye ba mi rtag pa nyid kyi mtshan nyid de/ de khong du ma chud pas mu stegs byed thams cad skye ba mi rtag par smra bar lhung ngo / /gzhan yang
137a5 blo gros chen po gang dngos po mi rtag par 'dod pa ni rang gi blos rnam par brtags pa ste/ dngos po rtag pa yang ma yin mi rtag pa yang ma yin no/ /de ci'i phyir zhe na/ 'di lta ste/ blo gros chen po mi rtag pa ni rang mi 'jug go/ /'di la blo gros chen po dngos po thams cad kyi dngos
137a6 po med pa ni mi rtag pa'i 'bras bu'o/ /mi rtag pa med par dngos po thams cad ngo bo med pa mi dmigs te/ dbyig pa dang / rdo ba dang / tho ba gang yang rung bas bcag par bya ba dang / gcog pa bzhin phan tshun du bye brag med par snang ba mthong ngo / /de'i phyir mi rtag pa nyid ni rgyu dngos
137a7 po thams cad kyi ngo bo med pa ni 'bras bu ste/ 'di ni mi rtag pa nyid do/ /'di ni 'bras bu'o zhes rgyu dang 'bras bu bye brag med pa'i phyir rgyu dang 'bras bu yang bye brag med do/ /dngos po rgyu med pa'i phyir dngos po thams cad rtag pa'o/ /blo gros chen po dngos po thams cad ngo bo med pa ni rgyu med pa
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo