| e-texts navigator |
| བོད་ཡིག |
136b1 dag ni nang gi yin/ /'khor lo chu shing 'jim la sogs/ /sa bon 'byung sogs phyi rol lo/ /'brel pa tsam ni 'di dag min/ /gang na dngos po rkyen gzhan las/ /kha cig skye bar 'dod na ni/ /rigs dang lung la de mi gnas/ /gal te bskyed bya'i dngos med na/ /blo yang
136b2 gang gi rkyen las byung / /'di dag phan tshun bskyed pa ste/ /de phyir de dag rkyen du shes/ /drod gsher sra dang g.yo ba yi/ /chos rnams byis pas rnam brtags te/ /'dus pa 'di ni chos ma yin/ /de phyir ngo bo nyid med do/ /nad pa'i dbang du sman pa dag /bya ba tha dad ston
136b3 mod kyi/ /de la gtsug lag tha dad med/ /nad kyis phye ba tha dad do/ /de bzhin ngas kyang sems can rgyud/ /nyon mongs nyes pa'i skyon chags pa/ /dbang po dag gis stobs shes nas/ /byis pa dag la tshul bshad do/ /nyon mongs dbang po tha dad pas/ /nga yi bstan
136b4 pa dbyer mi phyed/ /yan lag brgyad ldan zhi ba yi/ /lam ni theg pa gcig yin no/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das mi rtag pa nyid do/ /mi rtag pa nyid do zhes mu stegs
136b5 byed thams cad kyis rnam par brtags te/ khyod kyis kyang bstan pa brjod pa thams cad las/ kye ma 'du byed mi rtag ste/ /skye zhing 'jig pa'i chos can no/ /zhes gsungs na/ de ci bcom ldan 'das yang dag pa'am/ log pa'am/ bcom ldan 'das mi rtag pa
136b6 nyid la rnam pa du mchis/ bcom ldan 'das kyis bka' stsal pa/ blo gros chen po mu stegs byed thams cad kyis rnam pa brgyad du rnam par brtags te ngas ni ma yin no/ /rnam pa brgyad gang zhe na/ de la blo gros chen po la la ni rab tu rtsom pa las rnam par ldog pa mi rtag pa
136b7 nyid ces zer te/ blo gros chen po rab tu rtsom pa zhes bya ba ni skye ba yin te/ mi skye ba ni mi rtag pa nyid do/ /kha cig ni dbyibs rnam par ldog pa mi rtag pa nyid ces zer ro/ /kha cig ni gzugs nyid mi rtag pa zhe'o/ /kha cig ni gzugs 'gyur ba'i bye brag gzhan ni mi rtag pa
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo