| e-texts navigator |
| བོད་ཡིག |
136a1 par ngas bshad do/ /sems ni snang las rnam grol ba/ /rang bzhin gnyis kyang spangs pa ste/ /gnas rnams rab tu gyur pa ni/ /skye ba med par ngas bshad do/ /phyi rol dngos po dngos med min/ /sems kyang yongs su gzung ba med/ /lta ba thams
136a2 cad rab spangs pa/ /de ni skye med mtshan nyid do/ /de bzhin stong pa rang bzhin med/ /de la sogs pa'i tshig kun brtags/ /nam yang stong pas stong ma yin/ /skye ba med pa'i stong pa'o/ /rkyen gyi rnam par 'dus pa las/ /rab tu 'jug cing ldog par 'gyur/ /'dus pa
136a3 las ni logs shig na/ /skye ba med cing 'gag pa'ang med/ /gcig pa dang ni tha dad du/ /ji ltar mu stegs can rtog bzhin/ /dngos po tha dad ma yin dang / /'dus las gud na gang na'ang med/ /yod med dngos po mi skye ste/ /med min yod min gang na'ang med/ /de
136a4 phyir gzhan du 'dus pa ni/ /rab tu 'jug cing ldog par 'gyur/ /'di ni brtags pa tsam nyid de/ /phan tshun ltos pa 'brel pa'o/ /rkyen rnams 'brel las logs shig na/ /bskyed par bya ba'i don med do/ /bskyed pa med pas skye ba med/ /mu stegs can gyi skyon gyis
136a5 spangs/ /'brel pa tsam du ngas bshad de/ /byis pa rnams kyis mi rig go/ /gang na 'brel las logs shig na/ /dngos po bskyed pa yod ces pa/ /'brel pa rnam par 'jig pa ste/ /rgyu med smra bar shes par bya/ /gang na 'brel las logs shig na/ /dngos po su la yod
136a6 na ni/ /mar me bzhin du rdzas rigs rnams/ /'brel pa snang bar byed par 'gyur/ /'brel pa dag las logs shig tu/ /chos gang mi mkhas rtog pa ni/ /ma skyes ngo bo nyid med de/ /rang bzhin nam mkha' lta bu'o/ /'phags pas thob pa'i chos nyid ni/ /skye ba
136a7 med pa gzhan yin te/ /gang de'i skye ba mi 'byung ba/ /de ni mi skye'i bzod pa yin/ /nam zhig 'jig rten 'di dag kun/ /'di ni 'brel pa tsam mo zhes/ /'brel pa nyid du mthong ba na/ /de na sems kyang mnyam par 'jog /mi shes sred pa las la sogs/ /'brel pa
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo