| e-texts navigator |
| བོད་ཡིག |
135a1 gi sems snang ba tsam khong du chud pas rnam par rtog pa mi 'jug pa'i phyir/ 'jig rten rang la gnas shing bya ba med pa yin na/ byis pa rnams kyang bya ba dang ldan par rtog ste/ 'phags pa rnams ni ma yin no/ /blo gros chen po de ni dri za'i grong khyer dang / sgyu ma'i skyes
135a2 bu lta bur yang dag pa ma yin pa'i don la rnam par rtog pas myos pa'o/ /'di lta ste/ blo gros chen po byis pa'i rang bzhin can la la dri za'i grong khyer gyi nang du sgyu ma'i skyes bu sems can 'dron po mang po sna tshogs 'di dag zhugs so/ /'di dag byung ngo zhes 'jug pa dang 'byung bar rtog
135a3 ste/ de la gang yang zhugs pa dang 'byung ba ni med kyi/ de ltar de dag gi rnam par rtog pa nor ba nyid do/ /de bzhin du 'di ni blo gros chen po skye ba dang / mi skye bar byis pa rnams kyis nor ba yin te/ sgyu ma'i skyes bu skye ba bzhin du 'di la 'dus byas sam/ 'dus ma byas gang yang
135a4 med do/ /sgyu ma'i skyes bu ni yod pa dang / med pa ci yang mi byed pas na skye ba'am 'gag pa med do/ /de bzhin du chos thams cad kyang skye ba dang / 'jig pa spangs pa ste/ gzhan du na byis pa rnams log par lhung ba'i 'du shes kyis skye ba dang / 'gag par rtog pa/ 'phags pa
135a5 rnams ni ma yin no/ /de la blo gros chen po log pa zhes bya ba ni ji ltar dngos po'i rang bzhin brtags pa de bzhin du'ang ma yin/ gzhan du'ang ma yin no/ /gzhan du brtags na ni dngos po thams cad kyi ngo bo nyid la chags pa nyid du 'gyur bas dben pa mi mthong ngo / /dben pa ma mthong
135a6 na rnam par rtog pa ldog par mi 'gyur ro/ /de bas na de'i phyir blo gros chen po mtshan ma med pa mthong ba ni dge ba yin te/ mtshan ma mthong ba ni ma yin no/ /mtshan ma ni skye ba'i rgyu yin pas mi dge ba'o/ /blo gros chen po mtshan ma med pa ni rnam par rtog pa mi 'jug pa yin te/
135a7 mi skye ba mya ngan las 'das par bshad do/ /de la blo gros chen po mya ngan las 'das pa ni yang dag pa gnas pa ji lta ba bzhin du mthong bas rnam par rtog pa sems dang / sems las byung ba mang po shin tu gyur pas/ sngar drangs pa de bzhin gshegs pa 'phags pa bdag gis so
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo