| e-texts navigator |
| བོད་ཡིག |
134b1 ma skyes ma 'gags pa'o/ /'byung ba mi 'jig pas na rang gi mtshan nyid mi skye mi 'gag go/ /gang de dag gi rnam par gyur kyang 'byung ba rnams ni 'byung ba nyid de/ 'byung ba'i rang bzhin mi 'dor ro/ /bcom ldan 'das de ni 'byung ba'i rnam par rtog pa'i 'gyur bar khyod dang mu stegs
134b2 byed thams cad kyis rnam par brtags te/ des na de'i phyir smra ba 'di ni bye brag ma mchis te/ gang gis de bzhin gshegs pa gsung ba bye brag tu 'gyur zhing / mu stegs byed thams cad kyi smra ba ma lags pa'i bye brag bshad du gsol/ bcom ldan 'das rang gi smra ba bye brag ma mchis
134b3 na ni skye ba med pa dang / 'gog pa med pa rgyur gyur pas mu stegs byed rnams kyang sangs rgyas su 'gyur bar mchi'o/ /bcom ldan 'das kyis 'jig rten gyi khams gcig tu de bzhin gshegs pa mang po 'byung ba ni gnas med de/ skabs ma yin no zhes gsungs na/ 'bras bu yod
134b4 pa dang med pa yongs su bzung bas bdag gi smra ba bye brag ma mchis na ni/ de bzhin gshegs pa mang por 'gyur ro/ /bcom ldan 'das kyis bka' stsal pa/ blo gros chen po nga'i skye ba med pa dang / 'gog pa med pa ni mu stegs byed rnams kyi skye ba med pa dang / 'gog pa med
134b5 par smra ba dang mi mtshungs te skye ba dang / mi rtag par smra ba dang yang mtshungs pa ma yin no/ /de ci'i phyir zhe na/ blo gros chen po mu stegs byed rnams kyi ni dngos po'i rang bzhin ma skyes pa/ mi 'gyur ba'i mtshan nyid thob pa yod de/ nga'i ni de ltar yod pa dang / med pa'i phyogs su
134b6 lhung ba ma yin no/ /blo gros chen po nga'i ni yod pa dang / med pa'i phyogs dang bral ba ste/ skye ba dang 'jig pa dang bral ba dngos po yang ma yin/ dngos po med pa yang ma yin te/ sgyu ma dang rmi lam gyi gzugs sna tshogs mthong ba lta bur dngos po med pa'ang ma yin no/ /
134b7 ji ltar dngos po med pa ma yin zhe na/ 'di lta ste/ gzugs kyi rang bzhin gyi mtshan nyid gzung du med pa'i phyir ro/ /snang ba dang / mi snang ba dang / gzung ba dang / gzung du med pas des na de'i phyir dngos po thams cad dngos po yang ma yin/ ngo bo med pa'ang ma yin no/ /'di ltar rang
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo