rKTs

e-texts navigator

Volume

Page

134a₁ blo gros chen po don ni rab tu dben pa ste/ mya ngan las 'da' ba'i rgyu'o/ /sgra ni rnam par rtog pa dang 'brel pa ste/ 'khor ba 'thob par byed do/ /blo gros chen po don ni mang du thos pa rnams las rnyed par 'gyur ro/ /blo gros chen po mang du thos pa zhes bya ba ni 'di
134a₂ lta ste/ don la mkhas pa yin gyi sgra la mkhas pa ma yin no/ /de la don la mkhas pa ni gang mu stegs byed smra ba thams cad dang ma 'dres par lta ba yin te/ nam bdag kyang mi ltung gzhan yang ltung bar mi byed pa de na/ blo gros chen po de ltar don la mang du thos pa don dang ldan pa yin
134a₃ no/ /de bas na don 'dod pas de dag la bsten par bya'o/ /de las bzlog pa ni sgra ji bzhin gyi don la mngon par chags pa yin te/ de dag ni de kho na nyid tshol bas spang bar bya'o/ /yang blo gros chen po sangs rgyas kyi byin gyi rlabs kyis byin du brlabs pas 'di skad ces gsol to/ /
134a₄ skye ba med pa dang / 'gog pa med pa'i lta bas ni bcom ldan 'das kyis bye brag tu bgyis pa gang yang ma mchis so/ /de ci'i slad du zhe na/ bcom ldan 'das mu stegs byed thams cad kyi rgyu rnams kyang ma skyes ma 'gags pa'o/ /bcom ldan 'das khyod kyi yang nam mkha' dang ma
134a₅ brtags par 'gog pa dang / mya ngan las 'das pa'i dbyings rnams ma skyes ma 'gags pa'o/ /bcom ldan 'das mu stegs byed rnams kyang byed pa dang / rkyen gyi rgyu las 'gro ba rnams 'byung bar brjod/ bcom ldan 'das kyis kyang rgyu de nyid la rkyen to zhes bgyi bar ming gi bye
134a₆ brag gzhan btags nas mi shes pa dang / sred pa dang / las dang / rnam par rtog pa'i rkyen rnams las 'gro ba rnams skye bar brjod de/ khyod dang de dag phyi rol gyi rkyen rnams kyis phyi rol gyi dngos po skye ba la yang de bzhin te/ bcom ldan 'das de'i phyir smra ba 'di dang mu stegs
134a₇ byed kyi smra bar bye brag ma mchis par 'gyur ro/ /rdul phra mo dang / gtso bo dang / dbang phyug dang / skye dgu'i bdag po la sogs pa rdzas dgu dang bcas pa rnams ma skyes ma 'gags pa ste/ bcom ldan 'das khyod kyi yang dngos po thams cad yod pa dang med pa mi dmigs pas na

_{iiif viewer powered by OpenSeadragon}

133b - 134b

Texts on this page