rKTs

e-texts navigator

Volume

Page

133a₁ 'gyur ro/ /de dag med na ni su la ci zhig bshad de/ des na de'i phyir blo gros chen po byang chub sems dpa' sems dpa' chen pos bshad pa brjod pa'i sgra la mngon par ma chags par bya'o/ /blo gros chen po bshad pa'i brjod pa ni sems can rnams kyi bsam pa
133a₂ bzhin du zhugs pas 'khrul pa yin te/ nga dang de bzhin gshegs pa dgra bcom pa yang dag par rdzogs pa'i sangs rgyas gzhan rnams kyis ni sems dang / yid dang / yid kyi rnam par shes pa bzlog pa'i phyir mos pa tha dad pa'i sems can rnams la chos bstan par bya'i chos thams
133a₃ cad snang ba med pa/ rang gi sems snang ba tsam du khong du chud pa'i phyir/ rnam par rtog pa rnam pa mang po log pas bdag gi so so rang gi 'phags pa'i ye shes rtogs pa bzlog pa ni ma yin no/ /blo gros chen po byang chub sems dpa' sems dpa' chen pos don la rton par bya'i/ yi ge
133a₄ la rton par mi bya'o/ /blo gros chen po yi ge'i phyir 'brang ba'i rigs kyi bu'am/ rigs kyi bu mo ni bdag kyang don las nyams par byed cing / gzhan yang khong du chud par mi byed do/ /chos thams cad dang / sa'i rang gi mtshan nyid la mi mkhas pa/ tshig dang nges pa'i
133a₅ sgra mngon par mi shes pa'i ngan par rtog ge pa rnams lta ba ngan par lhung ba'i rgyud kyis rang gi phyogs sgrogs par byed do/ /de ste chos thams cad dang / sa'i rang gi mtshan nyid la mkhas shing / tshig gi rnam grangs dang / nges pa'i tshig rtogs par khong du chud de/ dngos po'i don
133a₆ dang / rigs pa la mkhas par gyur na/ de'i phyir bdag nyid kyang yang dag pa mtshan ma med pa'i bde bas tshim par byed cing / gzhan yang yang dag par theg pa chen po la 'god do/ /blo gros chen po theg pa chen po yang dag par yongs su bzung na/ sangs rgyas dang / byang chub
133a₇ sems dpa' dang / nyan thos dang / rang sangs rgyas rnams yongs su bzung ba byas pa yin no/ /sangs rgyas dang / byang chub sems dpa' dang / nyan thos dang / rang sangs rgyas rnams yongs su bzung bas sems can rnams yongs su bzung ba byas pa yin no/ /sems can thams

_{iiif viewer powered by OpenSeadragon}

132b - 133b

Texts on this page