rKTs

e-texts navigator

Volume

Page

131a₁ rnams tha dad pa'ang ma yin/ smra ba'ang ma yin/ smra bar bya ba'ang ma yin/ gcig pa dang / tha dad pa dang / gnyi ga dang / gnyi ga ma yin pa dang / ma 'brel pa de ni tshad ma thams cad las rnam par log pa'o/ /gang tshad ma thams cad las rnam par
131a₂ log pa de ni tshig tsam du 'gyur te/ gang tshig tsam de ni ma skyes pa'o/ /gang ma skyes pa de ni ma 'gags pa'o/ /gang ma 'gags pa de ni nam mkha' dang mtshungs so/ /blo gros chen po nam mkha' ni rgyu yang ma yin/ 'bras bu'ang ma yin no/ /gang rgyu yang ma yin pa 'bras
131a₃ bu yang ma yin pa de ni dmigs pa med pa'o/ /gang dmigs pa med pa de ni spros pa thams cad las 'das pa'o/ /gang spros pa thams cad las 'das pa de ni de bzhin gshegs pa yin te/ de ni blo gros chen po yang dag par rdzogs pa'i sangs rgyas pa nyid de/ /de ni sangs rgyas
131a₄ pa nyid de/ tshad ma dang / dbang po thams cad las rnam par bzlog pa'o/ /de la 'di skad ces bya ste/ tshad dang dbang po rnam par log /'bras bu ma yin rgyu yang min/ /blo dang rig par bya ba med/ /mtshan dang mtshan gyi gzhi yang spangs/ /phung por brten nas sangs
131a₅ rgyas pa/ /gang na'ang sus kyang ma mthong ste/ /gang na sus kyang ma mthong ba/ /de la ji ltar rnam par sgom/ /byas pa ma yin ma byas min/ /'bras bu ma yin rgyu yang min/ /phung po ma yin phung dang min/ /gzhan dang ma yin 'dre ba'i phyir/ /gang rnams gang gi
131a₆ dngos po ru/ /brtags kyang mi snang ma yin pa/ /de yang med par mi rtag ste/ /de ni chos kyi chos nyid do/ /yod pa'i zlas grangs med pa ste/ /yod pa'ang med pa'i zlas grangs so/ /de bas med par shes mi bya/ /yod par ni yang mi brtag go/ /bdag dang bdag med
131a₇ phyogs bslad cing / /sgra tsam la ni 'jug pa dag /de dag gnyis kyi mthar bying ste/ /brlag nas byis pa rlog par byed/ /nyes pa kun las grol ba yi/ /nga yi tshul ni nam mthong na/ /de ni yang dag mthong ba ste/ /'dren pa dag la'ang de mi smod/ /de nas yang byang

_{iiif viewer powered by OpenSeadragon}

130b - 131b

Texts on this page