| e-texts navigator |
| བོད་ཡིག |
130a1 rdzogs pa'i sangs rgyas ni de lta bu la sogs pa'i tshig gi nges pa'i sgrar byas pa'ang ma yin/ ma byas pa'ang ma yin/ rgyu'ang ma yin/ 'bras bu'ang ma yin no/ /de ci'i phyir zhe na/ 'di lta ste/ gnyi ga yang nyes par 'gyur ba'i phyir ro/ /blo gros
130a2 chen po gal te de bzhin gshegs pa byas pa yin na ni mi rtag par 'gyur te/ mi rtag pa'i phyir 'bras bu 'o cag kyang de bzhin gshegs par 'gyur bas na/ de ni nga dang de bzhin gshegs pa gzhan dag gis de ltar ma dgongs so/ /de ste ma byas pa yin na ni bdag nyid
130a3 du ma red pas na/ tshogs yang dag par bsgrub pa yang don med par 'gyur te/ ma byas pa'i phyir ri bong gi rwa dang mo sham gyi bu dang mtshungs par yang 'gyur ro/ /blo gros chen po gang rgyu yang ma yin 'bras bu yang ma yin pa de ni yod pa'ang ma yin/ med pa'ang ma yin no/ /gang yod pa'ang
130a4 ma yin/ med pa'ang ma yin pa de ni mtha' bzhi'i phyi rol to/ /blo gros chen po mtha' bzhi ni 'jig rten gyi spyod pa yin te/ gang mtha' bzhi'i phyi rol de ni mo sham gyi bu ltar tshig tsam du 'gyur ro/ /blo gros chen po mo sham gyi bu ni tshig tsam ste mtha' bzhir lhung ba ma yin no/ /ma lhung bas na mkhas pa rnams la
130a5 tshad ma ma yin no/ /mkhas pa rnams kyis de ltar de bzhin gshegs pa thams cad kyi tshig gi don rig par bya'o/ /blo gros chen po mkhas pa rnams kyis gang yang ngas chos thams cad bdag med pa'o zhes bshad pa de'i don kyang khong du chud par gyis shig /blo gros
130a6 chen po bdag med pa'i dngos po ni bdag med pa nyid de/ rta dang ba lang bzhin du chos thams cad ni bdag gi dngos por yod de/ gzhan gyi dngos por med do/ /'di lta ste/ blo gros chen po ba lang gi dngos po ni rta'i bdag nyid ma yin/ rta'i dngos po ni ba lang gi bdag nyid
130a7 ma yin te/ de ni yod de med pa'ang ma yin no/ /de gnyis ni rang gi mtshan nyid du med pa ma yin te/ de gnyis rang gi mtshan nyid du yod do/ /de bzhin du blo gros chen po chos thams cad mtshan nyid du med pa'ang ma yin te/ de dag ni yod do/ /de bas na byis pa so so'i
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo