rKTs

e-texts navigator

Volume

Page

129a₁ dang / sgrib pa gnyis rnam par dag pa dang / sa'i gong nas gong du de bzhin gshegs pa'i sa la sgyu ma la sogs pa'i gzugs brnyan gyi ting nge 'dzin gyis sems dang / yid dang / yid kyi rnam par shes pa las bzlog pas mya ngan las 'das par rtog
129a₂ go/ /de ltar log pa'i mu stegs can rtog pa can rnams kyis gzhan dag bstan kyang de rigs pa dang mi ldan zhing mkhas pas spangs pa yin te/ blo gros chen po de dag thams cad ni mtha' gnyis su lhung ba'i bsam pas mya ngan las 'das par rtog go/ /blo gros chen po de lta bu la
129a₃ sogs pa'i rnam par rtog pas mu stegs byed thams cad mya ngan las 'das par yongs su rtogs kyang 'di la gang yang 'jug pa'am ldog pa med do/ /blo gros chen po mu stegs byed so so'i mya ngan las 'das pa de ni rang gi gtsug lag la mos pa dang / sna tshogs kyis yongs su
129a₄ brtags na 'khrul te ji ltar de dag gis rnam par brtags pa de bzhin du mi gnas so/ /yid kyi g.yo ba dang / 'ong ba dang / 'gro ba'i phyir gang la'ang mya ngan las 'das pa med do/ /blo gros chen po de la khyod dang byang chub sems dpa' gzhan dag gis bslab par bya ste/ mu
129a₅ stegs byed thams cad kyi mya ngan las 'das par lta ba las bzlog par bya'o/ /de la 'di skad ces bya ste/ mya ngan 'das lta'i mu stegs can/ /tha dad par ni rnam par rtog /de dag gi ni rtog pa tsam/ /thar ba'i thabs ni yod pa min/ /bcings dang bcing bya rnam grol
129a₆ ba/ /thabs rnams rnam par spangs pa ste/ /mu stegs thar par rtog mod kyi/ /thar bar rung bar mi 'gyur ro/ /mu stegs can tshul blo gros kyis/ /du mar tha dad bral bar snang / /de phyir de dag thar med na/ /blun po dag gis ji ltar brtag /rgyu dang 'bras bu
129a₇ ngan lta bas/ /mu stegs can kun rnam par myos/ /yod med phyogs su smra ba rnams/ /de phyir de dag thar pa med/ /byis pa smra ba'i spros la dga' ba dag /yang dag nyid la blo gros yangs mi byed/ /smra ba khams gsum sdug bsngal skye gnas te/ /yang dag nyid ni

_{iiif viewer powered by OpenSeadragon}

128b - 129b

Texts on this page