rKTs

e-texts navigator

Volume

Page

128b₁ rten gyi 'byung ba 'di ni gcig gis gcig zhugs pa ste/ rgyu las ma yin no/ /zhes rgyu de la mngon par chags bzhin du gti mug pas khong du mi chud de/ de khong du chud pas mya ngan las 'das par rtog go/ /blo gros chen po mu stegs byed kha cig ni bden pa dang / lam khong du chud
128b₂ pas mya ngan las 'das par rtog go/ /kha cig ni yon tan dang / yon tan can mngon par khong du chud cing gcig pa dang / tha dad pa dang / gnyi ga dang / gnyi ga ma yin par mthong bas mya ngan las 'das pa'i blor 'gyur ro/ /kha cig ni rang bzhin las byung ba yin te/ rma
128b₃ bya'i rnam par bkra ba dang / rin po che'i 'byung khungs rnam pa mang po dang / tsher ma rno ba lta bur dngos po rnams kyi rang bzhin mthong bas mya ngan las 'das par rtog go/ /blo gros chen po kha cig ni de kho na nyi shu rtsa lnga khong du chud pas/ kha cig ni skye dgu skyong ba dang / yon tan drug
128b₄ bstan pa 'dzin pas mya ngan las 'das par rtog go/ /kha cig ni byed pa po dus yin par mthong ba'i phyir 'jig rten 'byung ba dus la rag las so/ /zhes de ltar khong du chud pas mya ngan las 'das par rtog go/ /blo gros chen po kha cig ni srid pas so/ /kha cig ni srid pa med pas
128b₅ so/ /kha cig ni srid pa dang / srid pa med par yongs su shes pas so/ /kha cig ni srid pa dang / mya ngan las 'das pa bye brag med par mthong bas mya ngan las 'das par rtog go/ /blo gros chen po thams cad mkhyen pa'i seng ge'i sgra sgrogs pa kha cig ni 'di lta ste/ rang gi
128b₆ sems snang ba tsam du khong du chud pa dang / phyi rol gyi dngos po la ma chags pa dang / mtha' bzhi dang bral ba yang dag par ji ltar gnas pa bzhin du mthong ba dang / rang gi sems snang bar rnam par rtog pa'i mtha' gnyis su ma lhung ba dang / gzung ba dang / 'dzin pa mi dmigs
128b₇ pa dang / tshad ma thams cad kyis de kho na nyid grub par ma mthong ba dang / rnam par slu ba'i phyir de kho na nyid mi rtog ste/ de bsal ba dang / bdag gi so so rang gi 'phags pa'i chos khong du chud pa dang / bdag med pa gnyis rtogs pa dang / nyon mongs pa gnyis rnam par log pa

_{iiif viewer powered by OpenSeadragon}

128a - 129a

Texts on this page