rKTs

e-texts navigator

Volume

Page

128a₁ skye mched rnams 'gog pa dang / yul la 'dod chags dang bral ba dang / rtag pa dang chos mi 'thun par mthong bas sems dang sems las byung ba mang po mi 'byung ste/ 'das pa dang / ma 'ongs pa dang / da ltar gyi yul mi dran pa dang / mar me dang /
128a₂ sa bon dang / rlung bzhin du rgyu zad pas rnam par rtog pa mi 'jug par brjod do/ /de'i phyir de dag la mya ngan las 'das pa'i blor 'gyur mod kyi/ blo gros chen po 'jig par lta bas mya ngan las mi 'da'o/ /blo gros chen po gzhan dag ni yul la rnam par rtog pa zad pas
128a₃ mda'i shugs zad pa bzhin du yul gzhan gyi gnas su song na thar pa'o zhes brjod do/ /yang mu stegs byed kha cig ni blo dang rig par bya ba mthong ba rnam par zhig pas thar par brjod do/ /kha cig ni rnam par rtog pa mi 'jug cing rtag pa dang mi rtag pa mthong bas thar par rtog
128a₄ go/ /kha cig ni mtshan mar rnam par rtog pa mang po ni sdug bsngal skye ba 'thob par byed pa'o snyam nas/ rang gi sems snang ba tsam la mi mkhas pa dag dang / mtshan mas 'jigs shing skrag ste/ mtshan ma mthong bas bde ba 'dod pa'i phyir/ mya ngan las 'das pa'i blor 'gyur
128a₅ bar brjod do/ /yang kha cig ni nang dang phyi'i chos thams cad kyi rang dang spyi'i mtshan nyid khong du chud cing 'das pa dang / ma 'ongs pa dang / da ltar byung ba'i dngos po mi 'jig ste/ yod pas mya ngan las 'das par rtog go/ /kha cig ni bdag dang / sems can dang / srog dang /
128a₆ gso ba dang / skyes bu dang / gang zag dang / chos thams cad mi 'jig pas mya ngan las 'das par rtog go/ /blo gros chen po mu stegs byed mi mkhas pa'i blo can kha cig ni rang bzhin dang / skyes bu'i bye brag mthong ba dang / yon tan 'gyur bar byed pa po'i phyir mya ngan
128a₇ las 'das par rtog go/ /kha cig ni bsod nams dang / bsod nams ma yin pa yongs su zad pas/ kha cig ni nyon mongs pa zad par shes pas/ kha cig ni 'jig rten rnams ni dbang pos rang dbang du byas par mthong bas mya ngan las 'das par rtog go/ /kha cig ni 'jig

_{iiif viewer powered by OpenSeadragon}

127b - 128b

Texts on this page