rKTs

e-texts navigator

Volume

Page

126a₁ blo gros chen po mya ngan las 'das pa dang / nam mkha' dang 'gog pa dag grangs gsum du'ang mi rung na byas par lta ci smos/ gzhan yang blo gros chen po bram ze 'jig rten rgyang pan pa nga la 'di skad ces zer ro/ /kye gau ta ma srid pa gsum po 'di mi shes pa dang /
126a₂ sred pa dang / las kyi rgyu las byung ngam/ de ste rgyu med pa/ kye bram ze 'di gnyi ga yang 'jig rten rgyang pan pa'o/ /kye gau ta ma dngos po thams cad rang dang spyi'i mtshan nyid du lhung ba'o/ /kye bram ze de yang 'jig rten rgyang pan pa nyid yin te/ bram ze ji tsam du yid las rnam par
126a₃ g.yos pa dang / phyi rol gyi don la mngon par chags shing rnam par rtog pa de tsam du 'jig rten rgyang pan pa'o/ /yang blo gros chen po bram ze 'jig rten rgyang pan pa nga la 'di skad ces zer ro/ /kye gau ta ma bdag gi grags pa ni mu stegs byed thams cad kyi tshig dang / yi ge dang /
126a₄ rgyu dang / dpe sna tshogs nye bar sgrub pas ston na/ kye gau ta ma 'jig rten rgyang pan pa ma yin pa gang yang yod dam/ kye bram ze gang khyod kyi grub pa'ang ma yin la/ ma grub pa'ang ma yin/ tshig dang yi ge sna tshogs kyis mi ston pa'ang ma yin/ don dang mi ldan pa'ang ma yin te/
126a₅ don dang yang ldan pa yod do/ /gang ma grub par ston pa de 'jig rten rgyang pan ma yin nam/ kye bram ze phyi rol gyi dngos po yang dag pa ma yin par rnam par rtog pa spros pa la mngon par chags pa'i mu stegs byed thams cad dang / khyod kyi blos mi rtog pa 'jig rten rgyang pan ma yin pa
126a₆ yod do/ /'di lta ste/ yod pa dang / med pa las rnam par rtog pa mi 'jug pa rang gi sems snang ba tsam du khong du chud pas rnam par rtog pa mi 'jug ste/ phyi rol gyi yul la 'dzin pa med pas rnam par rtog pa rang gi gnas na 'dug go/ /de bas na 'jig rten rgyang pan pa ma yin
126a₇ pa 'di ni nga'i ste khyod kyi ma yin no/ /rang gi gnas na 'dug ces bya ba ni mi 'jug pa'i don te/ rnam par rtog pa mi skye ba ni mi 'jug pa zhes bya'o/ /kye bram ze de ltar na gang 'jig rten rgyang pan pa ma yin pa de ni mdor na kye bram ze gang du rnam par shes pa rgyu ba med pa'o/ /'gro ba

_{iiif viewer powered by OpenSeadragon}

125b - 126b

Texts on this page