rKTs

e-texts navigator

Volume

Page

125b₁ pa dang / thams cad bskyed pa dang / thams cad bskyed pa ma yin pa de ni bram ze 'jig rten rgyang pan drug go/ yang blo gros chen po bram ze 'jig rten rgyang pan pa nga la 'di skad ces zer ro/ /kye gau ta ma 'thad pa'i gtan tshigs sna tshogs mthong bas na thams cad gcig pa'o/ /
125b₂ thams cad tha dad pa'o/ /thams cad gnyi ga'o/ /thams cad gnyi ga ma yin pa'o/ /thams cad rgyu la rag lus pa'o/ /de dag ni bram ze 'jig rten rgyang pan bcu gcig go/ /gzhan yang kye gau ta ma thams cad lung bstan pa'o/ /thams cad lung ma bstan pa'o/ /
125b₃ bdag yod do/ /bdag med do/ /'jig rten 'di yod do/ /'jig rten 'di med do/ /'jig rten pha rol yod do/ /'jig rten pha rol med pa'o/ /'jig rten pha rol yod med gnyi ga'o/ /thar pa yod do/ /thar pa med do/ /thams cad skad cig pa'o/ /
125b₄ thams cad skad cig pa ma yin pa'o/ /nam mkha' dang / ma brtags par 'gog pa dang / mya ngan las 'das pa ni/ kye gau ta ma byas pa'o/ /ma byas pa'o/ /bar ma do'i srid pa yod do/ /bar ma do'i srid pa med do zhe'o/ /blo gros chen po ngas de la 'di skad
125b₅ ces byas so/ /kye bram ze de ltar na de dag kyang 'jig rten rgyang pan pa nyid yin te/ kye bram ze 'jig rten rgyang pan pa 'di ni khyod kyi yin gyi nga'i ma yin no/ /kye bram ze nga ni thog ma med pa'i dus nas spros pa rnam par rtog pa'i bag chags gnas ngan len gyi rgyu las srid pa
125b₆ gsum skyes par ston te/ bram ze rang gi sems snang ba tsam du khong du ma chud pas rnam par rtog pa 'byung gi /pha rol gyi dngos po mi dmigs pa las ni ma yin no/ /'di lta ste/ mu stegs byed rnams kyi bdag dang / dbang po dang / don gsum phrad pa lta bu nga'i ma yin no/ /
125b₇ kye bram ze nga ni rgyur smra ba yang ma yin/ rgyu med par smra ba yang ma yin te/ gzhan du na rnam par rtog pa nyid gzung ba dang / 'dzin pa'i dngos por rab tu bzhag ste/ rten cing 'brel te 'byung bar ston to/ /khyod lta bu dang bdag tu 'dzin par lhung ba'i rgyud can gzhan dag gis mi rig go /

_{iiif viewer powered by OpenSeadragon}

125a - 126a

Texts on this page