| e-texts navigator |
| བོད་ཡིག |
125a1 bsgrub pa sna tshogs kyis 'chad de/ /rang gi tshul ma lags na ci bcom ldan 'das kyang mu stegs byed thams cad kyi gzhung nye bar ston pa'i nang du gtogs pas lha dang / mi dang / lha ma yin 'ongs shing lhags pa phyogs so so nas 'dus pa rnams la tshig dang yi ge sna
125a2 tshogs kyis 'jig rten rgyang pan nyid ston te rang gi gzhung ma lags sam/ bcom ldan 'das kyis bka' stsal pa/ blo gros chen po nga ni 'jig rten rgyang pan mi 'chad de/ 'du ba dang zad pa ma yin gyi/ blo gros chen po 'du ba dang zad pa med pa ston to/ /de la blo gros chen po 'du
125a3 ba zhes bya ba ni skye ba'i phung po ste/ 'dus pa 'ong ba las 'byung ba'o/ /de la blo gros chen po zad pa med pa zhes bya ba ni 'jig pa'o/ /'du ba dang zad pa med pa zhes bya ba ni 'di ni mi skye ba'i tshig te/ blo gros chen po nga ni mu stegs byed thams cad kyi rnam par rtog pa'i nang
125a4 du gtogs par mi 'chad do/ /de ci'i phyir zhe na/ 'di lta ste/ phyi rol gyi dngos po dang dngos po med pa la ma chags shing rang gi sems snang ba tsam la gnas pa dang / 'jug pa rnam pa gnyis su rnam par rtog pa mi 'jug pa dang / mtshan ma'i spyod yul med pa dang / rang gi
125a5 sems snang ba tsam du khong du chud pas rang gi sems snang ba'i rnam par rtog par mi 'jug go/ /rnam par rtog pa mi 'jug pas mtshan ma med pa dang / stong pa nyid dang / smon pa med pa'i rnam par thar pa gsum la zhugs pa'i phyir grol ba zhes bya'o/ /blo gros chen po ngas mngon
125a6 par shes pa dus gcig gi tshe sa'i phyogs shig na 'dug pa na/ bram ze 'jig rten rgyang pan pa zhig nga ga la ba der 'ongs te phyin pa dang / bcom ldan 'das kyis skabs ma phye bar nga la 'di skad ces zer ro/ /kye gau ta ma thams cad ni byas pa'o/ /blo gros chen po ngas de la 'di skad
125a7 ces byas so/ /kye bram ze gal te thams cad byas she na/ 'di ni 'jig rten rgyang pan dang po'o/ /kye gau ta ma thams cad ma byas pa'o/ /gal te bram ze thams cad ma byas she na/ de yang 'jig rten rgyang pan gnyis so/ /de bzhin du thams cad mi rtag pa dang / thams cad rtag
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo