rKTs

e-texts navigator

Volume

Page

124b₁ gi sgra'i gtsug lag ston pa yin mod kyi/ mtho ris su dbang po'i 'khor 'dus par dam bca' bar byas te/ yang na khyod kyi shing rta rtsib ma stong pa bcag go/ /yang na nga'i klu'i lus dang / mgo gdengs ka can re re nas gcad do zhes dam bcas nas 'jig rten rgyang pan pa'i slob ma
124b₂ klu'i gzugs can dang / cha byad 'dzin pas brgya byin lha'i dbang po chos dang ldan pas pham par byas te/ shing rta'i rtsib ma stong pa bcag nas slar 'jig rten 'dir 'ongs so/ /de ltar blo gros chen po 'jig rten rgyang pan pa ni rgyu dang dpe sna tshogs su 'brel pa ste/ 'di ltar byol song
124b₃ las bslabs pas kyang lha dang lha ma yin gyi 'jig rten gyi tshig dang yi ge sna tshogs kyis rnam par rmongs par byed do/ /'du ba dang zad par lta bar mngon par chags pa la rab tu 'god na mi rnams lta ci smos/ des na de'i phyir blo gros chen po 'jig rten rgyang pan pa ni sdug bsngal skye
124b₄ ba'i rgyu 'thob par byed pas yongs su spang bar bya ba yin te/ mi bsnyen to/ mi sten to/ /bsnyen bkur mi bya'o/ /blo gros chen po 'jig rten rgyang pan pa rnams ni lus dang / blo dang / yul dmigs pa tsam du tshig dang yi ge sna tshogs kyis ston to/ /blo gros chen po
124b₅ 'jig rten rgyang pan pa ni 'bum las phyi ma'i dus phyi ma'i tshe lnga brgya tha ma la ngan pa'i rtog pa'i rgyur lta ba bstan pas bsdus pa gyes par 'gyur ro/ /slob ma ma yin pa yongs su bzung bas bsdus pa gyes par 'gyur te/ blo gros chen po 'jig rten rgyang pan gyi bsdus pa rgyu dang /
124b₆ tshig sna tshogs su 'brel pa gyes pa de nyid rang gi rgyu la chags shing zhen pa'i mu stegs byed rnams 'chad de/ rang gi tshul ni ma yin no/ /blo gros chen po mu stegs byed gang la yang rang gi gtsug lag gi tshul med de/ gzhan du na 'jig rten rgyang pan nyid rgyu'i sgo rnam pa brgya stong du
124b₇ mas 'chad de/ bdag gi tshul ma yin mod kyi gti mug pas 'di ni 'jig rten rgyang pan du mi shes so/ /blo gros chen pos gsol pa/ bcom ldan 'das gal te mu stegs byed rnams rang gi rgyu la chags shing zhen pas 'jig rten rgyang pan pa nyid tshig dang / yi ge dang dpe nye bar

_{iiif viewer powered by OpenSeadragon}

124a - 125a

Texts on this page