| e-texts navigator |
| བོད་ཡིག |
123b1 ldan 'das kyis bka' stsal pa/ blo gros chen po de'i phyir shin tu legs par nyon la yid la zung shig dang ngas khyod la bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang /
123b2 bcom ldan 'das kyis de la 'di skad ces bka' stsal to/ /blo gros chen po 'das pa dang / ma 'ongs pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi tshul ni rnam pa gnyis so/ /'di lta ste/ bstan
123b3 pa'i tshul dang / grub pa'i mtha' so sor gzhag pa'i tshul lo/ /de la bstan pa brjod pa'i tshul gang zhe na/ 'di lta ste/ blo gros chen po chos sna tshogs kyi mdo bshad pa ste/ sems can rnams la sems dang / mos pa ji lta ba bzhin du ston pa'o/ /blo gros chen po de
123b4 la grub pa'i mtha'i tshul gang zhe na/ 'di lta ste/ gang gis rnal 'byor can rnams rang gi sems snang ba ni rnam par rtog pa rnam par ldog par byed pa'o/ /'di lta ste/ gcig pa dang / tha dad pa dang / gnyi ga dang / gnyi ga ma yin pa'i phyogs dang bral ba sems dang /
123b5 yid dang / yid kyi rnam par shes pa las 'das pa bdag gi so so rang gis rig pa 'phags pa'i spyod yul rgyu dang / lta ba dang / rigs pa'i mtshan nyid las rnam par bzlog pa/ mu stegs byed dang / nyan thos dang / rang sangs rgyas kyi theg pa pa log pa'i rtog pa can
123b6 yod pa dang / med pa'i mthar lhung ba rnams kyis ma myangs pa de ni ngas grub pa'i mthar bshad do/ /blo gros chen po de ltar grub pa'i mtha'i tshul dang / bstan pa'i mtshan nyid de la khyod dang byang chub sems dpa' sems dpa' chen po gzhan dag gis brtson par bya'o/ /de la
123b7 'di skad ces bya ste/ nga yi tshul ni rnam gnyis te/ /grub pa'i mtha' dang bstan pa'o/ /byis pa rnams la brjod pa bshad/ /rnal 'byor can gyi grub mtha'o/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo