rKTs

e-texts navigator

Volume

Page

122a₁ can gyis brtags/ /chos rnams thams cad ma skyes par/ /mu stegs kun las bsgrag pa'i phyir/ /dngos po rkyen dang ldan pa ni/ /su la'ang skyes pa yod med do/ /dngos po thams cad ma skyes par/ /dam bca' ba la mi rtag ste/ /de 'grub de rgyu
122a₂ ldan pa'i phyir/ /de dag blo yang nyams par 'gyur/ /ji ltar log par skra shad 'dzings/ /skye bo rab rib can gyis mthong / /de bzhin dngos por rnam rtog 'di/ /log par byis pas rnam par brtags/ /srid pa gsum ni brtags pa tsam/ /dngos po'i rang bzhin yod
122a₃ med de/ /brtags pa dngos po'i rang bzhin du/ /rtog pa can rnams rtog par 'gyur/ /mtshan dang dngos po'i rnam rig dang / /yid kyi rnam par g.yos pa las/ /nga yi sras rnams 'das nas ni/ /de dag rnam par mi rtog spyod/ /smig rgyu ba la ji lta bur/ /chu med pa
122a₄ la chu 'dzin pa/ /snang la byis pa de bzhin te/ /'phags pa rnams ni khyad par ldan/ /'phags pa'i mthong ba dag pa ste/ /rnam par thar pa gsum la skyes/ /skye dang 'jig las rnam grol te/ /snang ba med la rab tu spyod/ /dngos po rnams ni snang med de/ /rnal 'byor
122a₅ can la med pa'ang min/ /dngos dang dngos med mnyam pas ni/ /'phags pa rnams kyi 'bras bu skye/ /ji ltar dngos po dngos med dang / /mnyam pa nyid du ji ltar byed/ /phyi dang nang gi g.yo ba rnams/ /nam zhig sems kyis mi shes na/ /de na 'jig par byed pa ste/ /
122a₆ sems kyi mnyam pa nyid kyang mthong / /blo gros chen pos gsol pa/ bcom ldan 'das kyis 'di skad du nam dmigs par bya ba'i don shes pas mi dmigs pa de na rnam par rig pa tsam du gzhag pa yin te/ rnam par rig pa'i gzung ba med pas 'dzin pa yang 'dzin pa med par yin no/ /
122a₇ de 'dzin pa med pas rnam par rtog pa zhes bsgrags pa'i rnam par shes pa yang mi 'jug go/ /zhes gsungs na/ bcom ldan 'das dngos po rnams kyi rang dang spyi'i mtshan nyid sna tshogs tha mi dad par khong du ma chud pa'i phyir shes pas mi dmigs sam/ 'on te rang dang spyi'i mtshan nyid sna

_{iiif viewer powered by OpenSeadragon}

121b - 122b

Texts on this page