| e-texts navigator |
| བོད་ཡིག |
120a1 ba 'byung ba'o/ /de la sems can rnams kyi 'gro ba lngar mtshams sbyar ba ni mtshams sbyor ba yin te/ blo gros chen po mtshams sbyor ba chad nas ni mtshams sbyor ba dang mtshams sbyor ba'i mtshan nyid du shes pa yang med do/ /gzhan yang blo gros chen po gsum 'dus pa'i
120a2 rkyen dang / bya ba sbyor ba la mngon par chags pa'i phyir rnam par shes pa rnams kyi mtshams sbyor te/ bar chad med par 'jug pa'i tshul du mngon par chags pas srid pa'i mtshams sbyor bar 'gyur ro/ /rnam par shes pa rnams kyi gsum 'dus pa'i rkyen las bzlog pa dang / rnam par
120a3 thar pa gsum mthong bas mtshams sbyor ba thams cad mi 'byung ngo / /de la 'di skad ces bya ste/ yang dag ma yin yongs rtog ni/ /mtshams sbyor mtshan nyid ces bya ste/ /de ni yang dag yongs shes na/ /mtshams sbyor ba yi dra ba 'chad/ /dngos por shes pa'i sgra 'dzin pas/ /
120a4 ji ltar dar gyi srin bu bzhin/ /byis pa mtshams sbyor mi mkhas pa/ /rang gi rnam par rtog pas 'ching / /yang blo gros chen pos gsol ba/ gang bcom ldan 'das kyis 'di skad du rnam par rtog pa gang dang gang gis dngos po gang dang gang brtags pa de dag ni kun brtags pa nyid de/ de
120a5 dag la rang bzhin med do zhes bka' stsal pa/ bcom ldan 'das de gal te kun brtags pa nyid lags te dngos po'i rang bzhin gyi mtshan nyid mi rig na/ bcom ldan 'das kyis de skad ces bka' stsal pa chos thams cad kun brtags pa'i rang bzhin du gyur pas kun nas nyon mongs pa dang /
120a6 rnam par byang ba'i dngos po yang ma mchis par 'gyur ro/ /bcom ldan 'das kyis bka' stsal pa/ blo gros chen po de de bzhin te/ ji skad smras pa de bzhin no/ /blo gros chen po ji ltar byis pa so so'i skye bo rnams kyis dngos po'i rang bzhin rnam par brtags pa de lta bur ma yin te/ de ni
120a7 kun brtags pa nyid de/ dngos po'i rang bzhin dang mtshan nyid mi rig go/ /blo gros chen po 'on kyang 'phags pa rnams kyis 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis dngos po'i rang bzhin ji ltar rtogs pa de lta bur dngos po'i rang bzhin
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo