rKTs

e-texts navigator

Volume

Page

11b₁ dam pa thams cad du ro gcig pa'i mtshan nyid nges par 'dzin pa dang / mngon par rtogs pa kho nar byed de/ rab 'byor rnam grangs des kyang khyod kyis 'di ltar thams cad du ro gcig pa'i mtshan nyid gang yin pa de don dam pa yin par rig par bya'o/ /rab 'byor gzhan yang
11b₂ ji ltar phung po dang / skye mched dang / rten cing 'brel par 'byung ba dang / zas dang / bden pa dang / khams dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan
11b₃ lag 'di dag phan tshun mtshan nyid tha dad pa dang / ji ltar 'phags pa'i lam yan lag brgyad pa phan tshun mtshan nyid tha dad pa yin pa de bzhin du gal te chos de dag gi de bzhin nyid don dam pa chos bdag med pa yang mtshan nyid tha dad pa yin par gyur na ni/ des na de
11b₄ bzhin nyid don dam pa chos bdag med pa yang rgyu dang bcas pa yin zhing rgyu las byung ba yin par 'gyur ro/ /rgyu las byung ba nyid yin na ni 'dus byas yin par 'gyur ro/ /'dus byas nyid yin na ni don dam pa yin par mi 'gyur ro/ /don dam pa ma yin na ni don
11b₅ dam pa gzhan zhig yongs su btsal dgos par 'gyur ro/ /rab 'byor gang gi phyir don dam pa chos bdag med pa rgyu las byung ba ma yin pa dang / 'dus byas ma yin pa dang / don dam pa ma yin pa ma yin pa dang / don dam pa de'i don dam pa gzhan yongs
11b₆ su btsal bar bya mi dgos kyi de bzhin gshegs pa rnams byung yang rung ma byung yang rung ste/ rtag pa rtag pa'i dus dang / ther zug ther zug gi dus su chos gnas par bya ba'i phyir chos rnams kyi chos nyid dbyings de ni rnam par gnas pa kho na yin pa de'i phyir/
11b₇ rab 'byor rnam grangs des kyang khyod kyis 'di ltar thams cad du ro gcig pa'i mtshan nyid gang yin pa ni don dam pa yin par rig par bya'o/ /rab 'byor 'di lta ste dper na/ nam mkha' ni gzugs kyi rnam pa sna tshogs du ma mtshan nyid tha dad pa la mtshan ma med pa

_{iiif viewer powered by OpenSeadragon}

11a - 12a

Texts on this page