rKTs

e-texts navigator

Volume

Page

119b₁ gi rnam par rtog pa mngon par rtog pa'i mtshams sbyor ba dang / yod pa dang med pa'i phyogs mu stegs can gyi gnas la so sor rnam par rtog pa'i mtshams sbyor ba dang / theg pa gsum dang theg pa gcig mngon par rtogs pa rnam par rtog pa'i mtshams sbyor ba dang / blo gros chen po de
119b₂ dag dang gzhan rnams ni byis pa so so'i skye bo rnams kyi rang gi yul la rnam par rtog pa'i mtshams sbyor ba yin te/ byis pa so so'i skye bo rnams mtshams sbyor ba de dag la mtshams sbyar nas/ dngos po dang dngos po med par mtshams sbyor ba'i mtshan nyid la mngon par chags shing zhen pas
119b₃ so sor rnam par rtog cing dar gyi srin bu bzhin du rang gi rnam par rtog pa'i lta bas mtshams sbyor bar 'dod pa'i phyir rang gi rnam par rtog pa'i lta ba mtshams sbyor ba'i skud pas bdag dang gzhan la yongs su 'khri'o/ /blo gros chen po chos thams cad rab tu dben par mthong bas 'di la
119b₄ mtshams sbyor ba dang / mtshams sbyor ba'i mtshan nyid gang yang med do/ /blo gros chen po rnam par rtog pa mi 'jug pa'i phyir byang chub sems dpa' sems dpa' chen po chos thams cad la dben par lta zhing gnas so/ /gzhan yang bla gros chen po phyi rol gyi dngos po dngos po med pa
119b₅ rang gi sems snang ba'i mtshan nyid du khong du chud cing snang ba med pa rang gi sems tsam gyi rjes su 'brang ba dang / yod pa dang med pa'i dngos po thams cad la rnam par rtog pa'i mtshams sbyor ba rab tu dben par mthong bas chos thams cad la mtshams sbyor ba yang med/ mtshams sbyor ba'i
119b₆ mtshan nyid kyang med do/ /blo gros chen po 'di la gang yang 'ching ba'ang med grol ba'ang med de/ gzhan du na log par lhung ba'i blos bcings pa dang thar par shes so/ /de ci'i phyir zhe na/ 'di lta ste/ chos thams cad la yod pa dang med pa la mtshams sbyor ba mi dmigs pa'i phyir ro/ /
119b₇ gzhan yang blo gros chen po byis pa so so'i skye bo rnams kyi mtshams sbyor ba rnam pa gsum mo/ /de ni 'dod chags dang / zhe sdang dang / gti mug yin te/ dga' ba'i 'dod chags dang ldan pa yang srid pa can gyi sred pa dang / gang la mtshams sbyar nas 'gro ba rnams kyi mtshams sbyor

_{iiif viewer powered by OpenSeadragon}

119a - 120a

Texts on this page