rKTs

e-texts navigator

Volume

Page

119a₁ chos thams cad la rang gi rnam par rtog pa'i mtshan nyid las lta ba rnam par bzlog cing rmi lam dang / sgyu ma la sogs pa'i chos thams cad mthong bas sangs rgyas kyi sa'i gnas la rjes su zhugs pa/ sems can gyi khams thams cad ci rigs par chos ston pas drangs
119a₂ te rmi lam dang / sgyu ma la sogs pa'i chos thams cad yod pa dang med pa'i phyogs spangs pa/ skye ba dang 'jig par rnam par rtog pa dang bral ba la sgra gzhan gyi rnam grangs la 'jug pa'i gnas kyis rab tu 'god par 'gyur ba/ chos thams cad kyi mtshams sbyor ba dang mtshams
119a₃ sbyor ba ma lags pa'i mtshan nyid bdag la bshad du gsol/ de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/ bcom ldan 'das kyis bka' stsal pa/ legs so legs so/ /blo gros chen po de'i phyir shin tu legs par
119a₄ nyon la yid la zung shig dang ngas khyod la bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / bcom ldan 'das kyis de la 'di skad ces bka' stsal to/ /blo gros chen po
119a₅ chos thams cad kyi sgra ji bzhin du mngon par chags pa'i mtshams sbyor ba ni tshad med de/ mtshan nyid la mngon par chags pa'i mtshams sbyor ba dang / rkyen la mngon par chags pa'i mtshams sbyor ba dang / dngos po dang dngos po med pa la mngon par chags pa'i mtshams sbyor ba dang /
119a₆ skye ba dang / mi skye bar rnam par rtog pa la mngon par chags pa'i mtshams sbyor ba dang / 'gog pa dang 'gog pa med pa la mngon par chags pas so so rnam par rtog pa'i mtshams sbyor ba dang / mtshan nyid la mngon par chags pa'i mtshams sbyor ba dang / theg pa dang theg pa ma yin
119a₇ pa la mngon par chags pas so sor rnam par rtog pa'i mtshams sbyor ba dang / 'dus byas dang 'dus ma byas la so sor rnam par rtog pa la mngon par chags pa'i mtshams sbyor ba dang / sa dang sa'i rang gi mtshan nyid rnam par rtog pa la mngon par chags pa'i mtshams sbyor ba dang / rang

_{iiif viewer powered by OpenSeadragon}

118b - 119b

Texts on this page