rKTs

e-texts navigator

Volume

Page

116a₁ med min yod med min/ /de ltar 'jig rten nam mthong na/ /de tshe sems kyang rnam ldog ste/ /bdag med pa yang rtogs par 'gyur/ /gang phyir rkyen las byung bas na/ /dngos po thams cad ma skyes pa/ /rkyen rnams thams cad 'bras bu ste/ /'bras bu las
116a₂ ni srid mi skye/ /'bras bu gnyis su 'gyur bas na/ /'bras bu la ni 'bras mi skye/ /rnam pa gnyis su rab 'gyur bas/ /'bras bu'i dngos po mi dmigs so/ /dmigs dang dmigs bya med par yang / /nam zhig 'dus byas rnams mthong na/ /sems med pa yi sems
116a₃ tsam ste/ /sems tsam du yang ngas bshad do/ /tsam de ngo bo nyid kyi dbyibs/ /rkyen dang dngos po spangs pa ste/ /mthar thug dngos po tshangs pa'i mchog /de ni tsam zhes ngas bshad do/ /bden par bdag ni brtags pa ste/ /rdzas yod dngos po ma yin no/ /de bzhin phung
116a₄ po'i phung po nyid/ /btags pa yin te rdzas med do/ /mnyam pa nyid ni rnam bzhi ste/ /mtshan dang rgyu dang dngos las byung / /bdag med pa yi mnyam pa ste/ /bzhi pa rnal 'byor rnal 'byor pa'i/ /lta ba thams cad rnam bzlog cing / /rtog dang brtag pa spangs pa ste/ /dmigs
116a₅ med skye ba med pa ni/ /sems tsam du yang ngas bshad do/ /dngos med dngos min ma yin pa/ /dngos dang dngos med rnam par spangs/ /de bzhin sems las grol ba ni/ /sems tsam du yang ngas bshad do/ /de bzhin nyid dang stong pa'i mtha'/ /mya ngan 'das dang chos kyi
116a₆ dbyings/ /sna tshogs yid kyi lus rnams ni/ /sems tsam du yang ngas bshad do/ /rnam rtog bag chags 'brel pa yi/ /sna tshogs sems las byung ba ste/ /mi rnams la ni phyi rol snang / /'jig rten pa yi sems tsam mo/ /phyi rol snang ba yod med de/ /sems ni sna
116a₇ tshogs rnams su snang / /lus dang longs spyod gnas 'dra bar/ /sems tsam du yang ngas bshad do/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /gang bcom ldan 'das kyis byang chub sems dpa' sems

_{iiif viewer powered by OpenSeadragon}

115b - 116b

Texts on this page