rKTs

e-texts navigator

Volume

Page

115b₁ skyes bu tha dad pa rnam pa sna tshogs las gzugs gcig grub pa bzhin du so sor rnam par rtog pas mtshan nyid sna tshogs su rnam par brtags pas dngos po dang / dngos po med par rnam par rtog pa las bzlog pa'i phyir 'jig rten rgyang phan gyi lta ba dang bsam par lhung bar 'gyur ro/ /bcom
115b₂ ldan 'das kyis bka' stsal pa/ blo gros chen po rnam par rtog pa 'byung ba'am ldog pa med do/ /de ci'i phyir zhe na/ 'di lta ste/ yod pa dang med pa las rnam par rtog pa mi 'byung ba dang / phyi rol snang ba'i dngos po dngos po med pa dang / rang gi sems snang ba tsam du rtog pas blo gros
115b₃ chen po rnam par rtog pa 'byung ba'ang med/ ldog pa'ang med de/ blo gros chen po gzhan du na byis pa rnams kyi rang gi sems sna tshogs kyi rnam par rtog pas brtags pa dang / sna tshogs kyi dngos po'i mtshan nyid la mngon par chags pas lo rgyus las byung ba sngon du 'gro ba'i rnam par
115b₄ rtog pa 'byung bar bshad do/ /ji ltar na byis pa so so'i skye bo 'di dag rang gi rnam par rtog pa'i sems tsam du khong du chud pa dang / bdag dang bdag gir mngon par chags pa las lta ba rnam par bzlog ste/ rgyu dang rkyen dang 'bras bu'i nyes pa las bzlog cing rang gi sems snang ba tsam du rtogs
115b₅ pas sems dang bsam pa shin tu gyur te/ sa thams cad la rig par byas zhing de bzhin gshegs pa bdag gi so so rang gis rig pa'i spyod yul chos lnga dang / rang bzhin dang / dngos po dang / lta ba dang / rnam par rtog pa ldog pa thob par 'gyur zhes te/ des na de'i phyir blo gros chen po
115b₆ 'di ltar sgyu ma la rnam par rtog pa yang dag pa ma yin pa'i don sna tshogs la mngon par chags pa 'byung ste/ rang gi rnam par rtog pa sna tshogs kyi don la yang dag pa'i don ji lta ba bzhin du yongs su shes pas rnam par grol bar 'gyur zhes ngas smras so/ /de la 'di skad ces bya ste/ rgyu rnams
115b₇ dang ni rkyen rnams kyis/ /gang rnams 'jig rten 'byung zhes pa/ /mtha' bzhi dang ni ldan pa ste/ /de dag nga yi tshul mi shes/ /rgyu dag dang ni rkyen rnams las/ /'jig rten yod med mi skye ste/ /gang na'ang yod med yod min na/ /byis pa rnams kyis ji ltar brtags/ /yod min

_{iiif viewer powered by OpenSeadragon}

115a - 116a

Texts on this page