rKTs

e-texts navigator

Volume

Page

115a₁ ba dang / 'dzin pa la mngon par chags shing zhen pa dang / rang gi sems snang ba tsam du ma rtogs pa'i blo can dang / blo gros chen po yod pa dang med par lta ba'i phyogs su lhung ba'i mu stegs byed kyi lta ba la so sor rnam par rtog pa'i bag chags shin tu rgyas pa rnams phyi rol gyi don
115a₂ sna tshogs dmigs pa la mngon par chags pa dang / bdag dang bdag gir mngon par chags pas rnam par rtog pa zhes bsgrags pa sems dang sems las byung ba mang po 'byung ba 'byung ngo / /blo gros chen pos gsol pa/ bcom ldan 'das gal te don rnam pa tha dad pa sna tshogs su yang dag
115a₃ pa ma yin par yongs su rtog pa la mngon par chags pas mi rnams kyi rnam par rtog pa 'byung ba 'byung ste/ yod pa dang med pa'i phyogs la lta bar lhung ba gzung ba dang / 'dzin pa dang / mu stegs byed kyi lta ba la so so rnam par rtog pa'i bag chags rgyas pa rnams phyi rol gyi don sna tshogs su
115a₄ dmigs pa la mngon par chags shing / rang gi sems snang ba tsam du ma rig pa dang / yod pa dang / med pa'i dngos po sna tshogs la mngon par chags pas rnam par rtog pa zhes bsgrags pa sems dang sems las byung ba mang po 'byung ba 'byung ba na/ bcom ldan 'das phyi rol gyi don sna
115a₅ tshogs kyi mtshan nyid yod pa dang med pa'i phyogs su lhung ba'i mtshan nyid dngos po dang dngos po med pa las dben pa lta ba'i mtshan nyid las ji ltar bzlog pa de bzhin du/ bcom ldan 'das don dam pa yang tshad ma dang / dbang po dang / cha shas dang / dpe dang / rgyu'i mtshan nyid las rnam par
115a₆ bzlog pa na/ bcom ldan 'das gcig la yang dag pa ma yin pa'i don sna tshogs kyi dngos po yod pa dang / med par mngon par chags pa la so sor rnam par rtog cing rnam par rtog pa 'byung gi /don dam pa'i mtshan nyid la mngon par chags shing rnam par rtog pas ni rnam par rtog pa mi 'byung ba ji
115a₇ lta bu/ bcom ldan 'das gcig la ni 'byung / gcig la ni mi 'byung zhes gsung na/ yod pa dang med pa'i phyogs la mngon par chags pa dang / khyod la mi mtshungs pa'i rgyur smra bar 'gyur ro/ /yang dag pa ma yin par rnam par rtog pa'i lta ba 'byung bar gsung na/ sgyu ma'i yan lag gi

_{iiif viewer powered by OpenSeadragon}

114b - 115b

Texts on this page