rKTs

e-texts navigator

Volume

Page

114b₁ thar ba dngos med par/ /rtog pa can rnams 'dod mi 'gyur/ /skye dang 'jig par 'brel bar ni/ /'dus byas so sor bltas na yang / /lta ba gnyis po rab rgyas te/ /rnam par bzlog par mi mthong ngo / /'jig rten rnams brtags sgyu ma dang / /chu shing phung ltar mthong na ni/ /
114b₂ mya ngan 'das pa yid spangs pa/ /gcig po 'di ni bden pa yin/ /'dod chags dang ni zhe sdang med/ /gti mug med cing gang zag med/ /sred las byung ba'i phung po rnams/ /rmi lam 'dra bar yod pa'o/ /de nas yang byang chub sems dpa' sems dpa' chen po blo gros chen
114b₃ pos bcom ldan 'das la gsol ba btab pa/ bcom ldan 'das yang dag pa ma yin par yongs su rtog pa'i mtshan nyid bcom ldan 'das kyis bdag la bshad du gsol/ bde bar gshegs pas bdag la bshad du gsol/ bcom ldan 'das ji ltar ci zhig gang gis su'i yang dag pa ma
114b₄ yin par yongs su rtog pa 'byung ba 'byung bar 'gyur/ bcom ldan 'das yang dag pa ma yin par yongs su rtog pa yang dag pa ma yin par yongs su rtog pa zhes bgyi na/ bcom ldan 'das yang dag pa ma yin par yongs su rtog pa zhes bgyi ba de gang lags/ ci la so sor rnam par brtags
114b₅ pas yang dag pa ma yin par yongs su rtog par 'gyur/ bcom ldan 'das kyis bka' stsal pa/ legs so legs so/ /blo gros chen po gang khyod de lta bu'i don gsol ba 'debs pa ni blo gros chen po khyod skye bo mang po la phan pa dang / skye bo mang po la bde ba dang / 'jig rten la snying brtse ba dang /
114b₆ lha dang mi skye bo phal po che'i don dang / phan pa dang / bde ba'i phyir zhugs pa legs so/ /blo gros chen po de'i phyir shin tu legs par nyon la yid la zung shig dang ngas khyod la bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros
114b₇ chen po bcom ldan 'das la slar nyan pa dang / bcom ldan 'das kyis de la 'di skad ces bka' stsal to/ /blo gros chen po don rnam pa tha dad pa sna tshogs yang dag pa ma yin par kun brtags pa la mngon par chags pas mi rnams kyi rnam par rtog pa 'byung ba 'byung ste/ blo gros chen po gzung

_{iiif viewer powered by OpenSeadragon}

114a - 115a

Texts on this page