rKTs

e-texts navigator

Volume

Page

113b₁ yang bla'i/ yod pa dang / med pa'i nga rgyal can gyi stong pa nyid du lta ba ni ma yin no/ /zhes bshad de/ blo gros chen po med pa'i nga rgyal can yang rnam par 'jig par byed pa yin no/ /rang dang spyi'i mtshan nyid du lhung ba'i bsam pa rang gi sems snang ba tsam du rab tu mi shes te/ mi
113b₂ shes pas phyi rol gyi dngos po mi rtag par lta ba'i phyir phung po dang / khams dang / skye mched skad cig ma gcig nas gcig tu dbye bas phye ba rtog pa dang / yi ge med pa la rgyud kyi rgyun gyis 'jug cing ldog par rnam par rtog na yang rnam par 'jig par byed pa yin no/ /de la 'di skad ces
113b₃ bya ste/ ji tsam sems kyi spyod yul ba/ /yod dang med pa mtha' gnyis te/ /spyod yul rnam par spangs na ni/ /sems kyang yang dag 'gag par 'gyur/ /yul la 'dzin pa med pa'i phyir/ /'gog pa med pa ma yin te/ /ji ltar 'phags pa'i spyod yul ltar/ /de bzhin
113b₄ nyid kyi gnas yod do/ /rkyen gyis yod dang med pa las/ /ma byung ba las gang skye zhing / /byung nas 'jig par 'gyur zhes pa'ang / /nga yi bstan la de mi gnas/ /sangs rgyas rnams dang mu stegs dang / /nga dang gzhan rnams su yis kyang / /rkyen gyis yod par ma bsgrubs na/ /
113b₅ ji lta bur na med par 'gyur/ /yod pa dag ni sus bsgrubs na/ /gang rnams rkyen gyis med par 'gyur/ /skye bar smra ba lta log pas/ /yod dang med par lta bar rtog /gang rnams mi skye ba/ /'gog par mi 'gyur te/ /'jig rten dben par mthong bas
113b₆ na/ /yod dang med par de mi 'dzin/ /de nas yang byang chub sems dpa' sems dpa' chen po blo gros chen pos bcom ldan 'das la gsol ba btab pa/ bcom ldan 'das grub pa'i mtha'i tshul gyi mtshan nyid tha dad pa'i bye brag rab tu rtogs pa gang gis bdag dang / byang chub sems
113b₇ dpa' sems dpa' chen po gzhan rnams grub pa'i mtha'i tshul gyi mtshan nyid rtogs par khong du chud cing myur du bla na med pa yang dag par rdzogs pa'i byang chub tu mngon par 'tshang rgya ba dang / rtog pa can dang / log pa mu stegs can dang / bdud thams cad kyi dring la mi 'jog par 'gyur ba/

_{iiif viewer powered by OpenSeadragon}

113a - 114a

Texts on this page