rKTs

e-texts navigator

Volume

Page

110b₁ dang / phyi rol rang gi sems snang ba tsam du shes par byed pa/ rnam par shes pa 'dus pa brgyad rnams la rnam par thar pa gsum zag pa med pa'i gnod sems kyis shin tu bcom na rnam par shes pa'i sangs rgyas la gnod sems kyis khrag phyung ba yin te/ mtshams med pa byed pa
110b₂ zhes bya'o/ /blo gros chen po rigs kyi bu'am/ rigs kyi bu mos mtshams med pa lnga po de dag byas na mngon par rtogs pa'i chos can yin te/ mtshams med pa byed pa yin no/ /gzhan yang blo gros chen po gang bshad pas khyod dang / byang chub sems dpa' sems dpa' chen po
110b₃ gzhan rnams ma 'ongs pa'i dus na shin tu rmongs par mi 'gyur ba'i phyi rol gyi mtshams med pa rnams khyod la bshad par bya'o/ /'di lta ste/ gang bstan pa brjod pa las mtshams med pa rnams gsungs pa ste/ gang byas pas rnam par grol ba gsum po las gang yang rung ba dang
110b₄ mngon par rtogs par mi 'gyur te/ sprul pa'i byin gyi rlabs kyis mngon par rtogs pa ni ma gtogs so/ /blo gros chen po sprul pa'i byin gyi rlabs kyis nyan thos ni byang chub sems dpa'i byin gyis rlabs sam/ de bzhin gshegs pa'i byin gyi rlabs kyis gang la la mtshams med pa byas
110b₅ nas 'gyod par gyur pa la de'i 'gyod par lta ba bzlog pa dang brtson pa bor ba la 'gyod par lta ba med par bya ba'i phyir slar rab tu spro bar byed par 'gyur snyam nas sprul pa'i byin gyi rlabs kyis mngon par rtogs par rab tu ston to/ /blo gros chen po mtshams med pa byed pa la ni mngon par rtogs
110b₆ pa gcig tu nges pa med de/ rang gi sems snang ba tsam du rig pa dang / lus dang / longs spyod dang / gnas rtogs pa'i rnam par rtog pa bdag dang bdag gir 'dzin pa rab tu dben par mthong bas/ gal te brgya lam na dge ba'i bshes gnyen dang phrad na 'gro ba'i mtshams gzhan du
110b₇ rang gi rnam par rtog pa'i nyes pa las grol bar 'gyur ba ni ma gtogs so/ /de la 'di skad ces bya ste/ sred pa dag ni mar bshad de/ /ma rig pa yang phar shes so/ /rnam shes yul rnams rig pas na/ /sangs rgyas su ni de yang bstan/ /bag la nyal ni dgra bcom ste/ /phung

_{iiif viewer powered by OpenSeadragon}

110a - 111a

Texts on this page