| e-texts navigator |
| བོད་ཡིག |
10b1 dmigs pa dang / 'phags pa'i lam yan lag brgyad pa'i mtshan ma dmigs pa dang / 'phags pa'i lam yan lag brgyad pa'i mi 'thun pa'i phyogs kyi gnyen por dmigs pa dang / 'phags pa'i lam yan lag brgyad pa bsgom pa dmigs pa dang / 'phags pa'i
10b2 lam yan lag brgyad pa ma skyes pa skye ba dmigs pa dang / 'phags pa'i lam yan lag brgyad pa skyes pa gnas pa dang / mi bskyud pa dang / slar zhing 'byung ba dang / 'phel zhing rgyas par dmigs pas shes pa brda sprod par bgyid pa dag mthong lags so/ /
10b3 mthong nas kyang bdag 'di snyam bgyid de/ tshe dang ldan pa 'di dag ni chos rnam pa sna tshogs pa'i mngon par rtogs pa ston pas shes pa brda sprod par bgyid cing 'di ltar don dam pa thams cad du ro gcig pa'i mtshan nyid ma 'tshal bas/ tshe dang ldan pa 'di dag ni mngon pa'i nga
10b4 rgyal can mngon pa'i nga rgyal gyis mngon du zin cing shes pa brda sprod par bgyid pa sha stag lags so snyam bgyid lags so/ /bcom ldan 'das bcom ldan 'das kyi gang gi slad du 'di skad ces don dam pa ni phra ba/ zab pa rtogs par dka' ba/ mchog tu rtogs par
10b5 dka' ba/ thams cad du ro gcig pa'i mtshan nyid yin no zhes bka' stsal pa ji tsam du bcom ldan 'das kyis legs par gsungs pa de ni ngo mtshar lags te/ bcom ldan 'das don dam pa thams cad du ro gcig pa'i mtshan nyid ni bcom ldan 'das kyis bstan pa 'di
10b6 nyid la zhugs pa/ dge slong du gyur pa'i sems can rnams kyis kyang de ltar rtogs par dka' ba lags na/ 'di las slad rol pa'i mu stegs can rnams kyis lta smos kyang ci 'tshal/ bcom ldan 'das kyis bka' stsal pa/ rab 'byor de de bzhin no/ /de de bzhin
10b7 te/ ngas ni don dam pa thams cad du ro gcig pa'i mtshan nyid phra ba/ mchog tu phra ba/ zab pa mchog tu zab pa/ rtogs par dka' ba/ mchog tu rtogs par dka' ba/ mngon par rdzogs par sangs rgyas te/ mngon par rdzogs par sangs rgyas nas kyang bsnyad cing
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo