| e-texts navigator |
| བོད་ཡིག |
109a1 pa dang / ting nge 'dzin gyis myos pa med par gyur nas zag pa med pa'i dbyings nas slar sad de/ yang 'jig rten dang / 'jig rten las 'das pa zag pa med pa'i dbyings su gtogs pa'i tshogs rnams yongs su bskangs nas/ chos kyi sku bsam gyis mi khyab pa la
109a2 dbang byed pa rab tu 'thob par 'gyur ro/ /de la 'di skad ces bya ste/ lha yi theg dang tshangs pa'i theg /nyan thos kyi yang de bzhin te/ /de bzhin gshegs dang rang rgyal gyi/ /theg pa de dag ngas bshad do/ /ji srid sems can 'jug pa'i bar/ /theg pa dag la thug pa med/ /
109a3 sems ni shin tu gyur pa na/ /theg pa med cing 'gro ba'ang med/ /theg pa rnam par gzhag med kyang / /sems can rnams ni drang ba'i phyir/ /theg pa tha dad ngas bshad de/ /theg pa gcig tu ngas bstan to/ /de bzhin rnam grol gsum po dang / /chos la bdag med de nyid
109a4 dang / /mnyam nyid ye shes nyon mongs pa/ /rnam par grol bas de dag spangs/ /ji ltar shing dag rgya mtsho la/ /rlabs rnams kyis ni rnam par g.yengs/ /de bzhin nyan thos rmongs pa yang / /mtshan nyid rnams kyis rab tu g.yengs/ /kun nas ldang dang bral mod kyi/ /
109a5 nyon mongs bag chags rnams dang 'brel/ /ting 'dzin myos pas rab myos te/ /zag pa med pa'i dbyings na 'khod/ /mtha' mar phyin pa de la med/ /phyir yang de las mi ldog ste/ /ting nge 'dzin gyi lus thob nas/ /bskal pa'i bar du de mi sad/ /ji ltar skyes bu ra ro ba/ /
109a6 chang dang bral nas sangs 'gyur bzhin/ /de na de dag nga yi yang / /chos kyi sku ni thob par 'gyur/ /lang kar gshegs pa sum khri drug stong pa las chos thams cad bsdus pa zhes bya ba'i le'u ste gnyis pa'o// //de nas yang bcom ldan 'das kyis byang chub sems dpa'
109a7 sems dpa' chen po blo gros chen po la 'di skad ces bka' stsal to/ /blo gros chen po yid kyi lus rtogs par rab tu dbye ba'i mtshan nyid rab tu bstan gyis/ de shin tu legs par nyon la yid la zung zhig dang ngas khyod la bshad do/ /legs so bcom ldan 'das zhes gsol nas
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo