| e-texts navigator |
| བོད་ཡིག |
108a1 bzhin nyid/ /rig bya'o de phyir bye brag med/ /chos lnga yang dag nyid yin te/ /de bzhin du yang rang bzhin gsum/ /rnal 'byor can gyis de bsgoms na/ /de bzhin nyid las mi 'da'o/ /mtshan ma dag ni gzhan gyi dbang / /gang ming de ni brtags pa ste/ /
108a2 kun brtags pa dang mtshan ma ni/ /gzhan gyi dbang las 'byung ba'o/ /blo yis rnam par gzhigs na ni/ /gzhan dbang med cing brtags pa'ang med/ /grub pa'i dngos po yod med na/ /blo yis ci zhig rnam par brtags/ /yod med rnam par spangs pa yi/ /grub pa'i dngos po
108a3 yod na ni/ /yod dang med las grol ba yi/ /dngos po gnyis su ji ltar 'gyur/ /kun brtags pa yi rang bzhin la/ /rang bzhin gnyis ni rab gnas te/ /brtags pa dag ni sna tshogs snang / /rnam dag 'phags pa'i spyod yul lo/ /brtags pa sna tshogs snang ba ni/ /
108a4 gzhan gyi dbang zhes brjod pa ste/ /rnam pa gzhan du brtags na ni/ /mu stegs smra la gnas par 'gyur/ /rtog pa brtags zhes bya ba ste/ /mthong ba'i phyir na rgyu las byung / /rnam rtog gnyis las grol ba ni/ /de nyid yongs su grub pa yin/ /yang blo gros chen pos gsol
108a5 pa/ bcom ldan 'das 'phags pa so so rang gi ye shes dang / theg pa gcig po rtogs pa'i mtshan nyid gang gis bdag dang / byang chub sems dpa' sems dpa' chen po gzhan rnams 'phags pa so so rang gi ye shes dang / theg pa gcig po la mkhas shing / sangs rgyas kyi chos
108a6 thams cad la gzhan gyi dring la mi 'jog par 'gyur ba'i 'phags pa so so rang gi ye shes rtogs pa dang / theg pa gcig pa'i mtshan nyid bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la
108a7 bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis 'di skad ces bka' stsal to/ /blo gros chen po byang chub sems dpa' sems dpa' chen po
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo