rKTs

e-texts navigator

Volume

Page

106b₁ rab tu dbye ba'i tshul gyi mtshan nyid gang zhe na/ 'di lta ste/ brjod pa la rnam par rtog pa dang / smra bar bya ba la rnam par rtog pa dang / mtshan nyid la rnam par rtog pa dang / nor la rnam par rtog pa dang / rang bzhin la rnam par rtog pa dang / rgyu la rnam par rtog pa dang / lta ba la
106b₂ rnam par rtog pa dang / rig pa la rnam par rtog pa dang / skye ba la rnam par rtog pa dang / skye ba med pa la rnam par rtog pa dang / 'brel pa la rnam par rtog pa dang / bcings pa dang ma bcings pa la rnam par rtog pa yin te/ de ni blo gros chen po brjod pa yongs su brtags pa'i rang
106b₃ bzhin rab tu dbye ba'i tshul gyi mtshan nyid do/ /de la blo gros chen po brjod pa la rnam par rtog pa gang zhe na/ 'di lta ste/ dbyangs dang glu snyan pa sna tshogs la mngon par chags pa yin te/ de ni blo gros chen po brjod pa la rnam par rtog pa'o/ /de la blo gros chen po smra bar bya ba la rnam par
106b₄ rtog pa gang zhe na/ 'di lta ste/ gang ci'ang rung smra bar bya ba'i dngos po'i rang bzhin 'phags pa'i ye shes dang / rtogs pas shes par bya ba gang la gnas te/ brjod pa 'jug par 'gyur ba yod do/ /zhes rnam par rtog pa'o/ /de la blo gros chen po mtshan nyid la rnam par rtog pa
106b₅ gang zhe na/ 'di lta ste/ smra bar bya ba'i smig rgyu lta bu la mtshan nyid sna tshogs su mngon par chags pas mngon par zhen te/ 'di lta ste/ dngos po thams cad la tsha ba dang / gsher ba dang / g.yo ba dang / sra ba'i mtshan nyid du rnam par rtog pa'o/ /de la nor la rnam par rtog pa gang
106b₆ zhe na/ 'di lta ste/ gser dang / dngul dang / nor rin po che rnam pa mang po'i yul brjod pa'o/ /de la rang bzhin la rnam par rtog pa gang zhe na/ 'di lta ste/ dngos po'i ngo bo nyid du 'dzin cing / 'di lta ste 'di ni 'di bzhin gyi gzhan du ma yin no zhes log par rnam par rtog pa'i
106b₇ lta bas rnam par lta'o/ /de la rgyu la rnam par rtog pa gang zhe na/ 'di lta ste/ rgyu dang rkyen gang gis rgyu'i mtshan nyid las skye ba yod pa dang / med par snang bar byed pa de ni rgyu la rnam par rtog pa'o/ /de la lta ba la rnam par rtog pa gang zhe na/ 'di lta ste/ yod pa dang / med pa dang /

_{iiif viewer powered by OpenSeadragon}

106a - 107a

Texts on this page