rKTs

e-texts navigator

Volume

Page

103b₁ lam rab tu thob pa'i nyan thos yin te/ gzhan dag ma yin no/ /blo gros chen po byang chub sems dpa'i spyod pa spyad pas na smra ba dang / sangs rgyas 'phrul pas sprul pa gzhan rnams ni thabs la mkhas pa dang / smon lam sngon du 'gro bas sangs rgyas kyi 'khor gyi dkyil 'khor
103b₂ mdzes par bya ba'i phyir 'khor gyi dkyil 'khor du skye ba ston to/ /blo gros chen po rnam par rtog pa 'jug pa'i gnas gzhan sna tshogs bstan pa ni 'di lta ste/ 'bras bu thob par bya ba'i bsam gtan dang / bsam gtan du bya ba dang / bsam gtan pa las rnam par dben pa dang / rang
103b₃ gi sems snang bar khas len pas 'bras bu thob pas mtshan nyid du bstan to/ /gzhan yang blo gros chen po gal te rgyun du zhugs pa 'di snyam du 'di dag ni kun nas sbyor ba yin te/ bdag ni 'di dag dang mi ldan par sems na gnyis su gyur cing bdag tu lta bar lhung ba dang / kun nas sbyor
103b₄ ba ma spangs par 'gyur ro/ /gzhan yang blo gros chen po bsam gtan dang / tshad med pa dang / gzugs med pa'i khams las shin tu bzla ba'i phyir rang gi sems snang ba'i mtshan nyid las ldog par bya ste/ 'du shes dang / tshor ba 'gog pa'i snyoms par 'jug pa ni sems tsam pas na/
103b₅ blo gros chen po rang gi sems snang ba'i rgyud las de yang 'da' bar mi rung ngo / /de la 'di skad ces bya ste/ bsam gtan rnams dang tshad med dag /ting nge 'dzin dang gzugs med rnams/ /'du shes 'gog pa ma lus par/ /sems tsam la ni yod pa min/ /rgyun du chud kyi 'bras bu
103b₆ dang / /lan cig 'ong gi de bzhin te/ /phyir mi 'ong ba'i 'bras bu dang / /dgra bcom nyid kyang sems 'khrul par/ /bsam gtan bsam bya bsam gtan pa/ /spong dang bden pa mthong ba dang / /de dag rtog pa tsam yin par/ /gang gis rtog pa de 'grol lo/ /gzhan yang blo
103b₇ gros chen po blo rnam pa gnyis te/ rab tu rnam par 'byed pa'i blo dang / rnam par rtog pa'i mtshan nyid 'dzin pa la mngon par chags pas rab tu 'jog pa'i blo'o/ /de la blo gros chen po rab tu rnam par 'byed pa blo zhes bya ba ni 'di lta ste/ blo gang gis dngos po'i rang bzhin dang / mtshan nyid la

_{iiif viewer powered by OpenSeadragon}

103a - 104a

Texts on this page