| e-texts navigator |
| བོད་ཡིག |
101a1 po mu stegs byed kyi lta ba gzhig pa'i phyir de bzhin gshegs pa rnams kyis ma bshad do/ /blo gros chen po mu stegs byed ni 'di skad ces smra ste/ 'di ltar lus de ni srog dang bcas pa'o/ /lus kyang gzhan srog kyang gzhan no zhes de la sogs pa lung du mi ston par smra ste/
101a2 blo gros chen po lung du mi ston pa ni mu stegs can rgyu la rnam par rmongs pa rnams kyi yin te/ nga'i gsung rab la ni ma yin no/ /blo gros chen po nga'i gsung rab gzung ba dang / 'dzin pa dang mi ldan pa la ni rnam par rtog pa'ang mi 'jug na/ de dag la gzhag pa lta ga la yod/ blo gros
101a3 chen po gang gzung ba dang / 'dzin pa la mngon par chags shing rang gi sems snang ba tsam du mi shes pa'i blo can de dag la ni bzhag pa yod do/ /blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni tshig dris pa la lung bstan pa rnam pa
101a4 bzhis sems can rnams la chos ston te/ blo gros chen po gzhag pa zhes bya ba de ni ngas dus gzhan du bstan par byas pa yin te/ dbang po yongs su ma smin pa rnams la gzhag pa yin no/ /gzhan yang blo gros chen po chos thams cad ni bya ba dang byed pa med pa ste/ byed pa med pas na mi
101a5 skye'o/ /de'i phyir chos thams cad ni ma skyes pa zhes bya'o/ /blo gros chen po chos thams cad ni ngo bo nyid med pa ste/ de ci'i phyir zhe na/ blo gros chen po 'di ltar rang gi blos rnam par dpyad na rang dang spyi'i mtshan nyid kyis dngos po mi rigs pas na de'i phyir chos thams cad ngo bo nyid med pa
101a6 zhes bya'o/ /de la blo gros chen po chos thams cad ni blang ba dang / dor ba med pa yin te/ de ci'i phyir zhe na/ blo gros chen po 'di ltar rang dang spyi'i mtshan nyid blang na yang blang du med dor na yang dor du med do/ /des na de'i phyir blo gros chen po chos thams cad ni blang ba dang dor ba med pa'o/ /
101a7 yang blo gros chen po chos thams cad ni ma 'gags pa yin te/ de ci'i phyir zhe na/ 'di lta ste/ dngos po'i ngo bo nyid dang / mtshan nyid med pas na chos thams cad mi dmigs te/ de'i phyir chos thams cad ni ma 'gags pa zhes bya'o/ /de la yang blo gros chen po chos thams cad ni mi rtag
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo