rKTs

e-texts navigator

Volume

Page

100a₁ dang / mtshan nyid du bstan pas dngos po'i rang bzhin dang / mtshan nyid rnam par bzlog ste/ byis pa so so'i skye bo'i lta ba ngan pa'i mtshan nyid du lhung ba'i bsam pa can rang gi sems snang ba tsam du ma rtogs pa/ rgyu dang / rkyen dang / byed pa las skye ba'i mtshan nyid du mngon
100a₂ par chags pa rnams glen pa'i phyir/ chos thams cad sgyu ma dang / rmi lam gyi rang bzhin dang / mtshan nyid du bstan to/ /de la blo gros chen po chos thams cad kyi yang dag pa gnas pa ji lta ba bzhin du mthong ba ni 'di lta ste/ rang gi sems snang ba tsam la 'jug pa'o/ /de la 'di skad ces
100a₃ bya ste/ skye ba med la rgyu yang med/ /dngos pos 'khor ba kun sdud de/ /rgyu las sogs dang 'drar mthong na/ /mtshan nyid la ni rnam mi rtag /gzhan yang blo gros chen po ming dang / tshig dang / yi ge'i tshogs rab tu rtogs pa gang gis byang chub sems dpa' sems dpa' chen
100a₄ po rnams don dang / tshig dang / yi ge'i rjes su mi 'brang zhing myur du bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad kyang de bzhin du khong du chud par byed pa'i ming dang / tshig dang / yi ge'i tshogs kyi mtshan nyid rab tu bstan
100a₅ to/ /de la blo gros chen po ming gi tshogs zhes bya ba ni 'di lta ste/ dngos po gang la gnas te ming du gdags pa'o/ /tshogs de ni dngos po dang / tshogs dang / lus zhes bya ba don tha mi dad de/ blo gros chen po de ni ming gi tshogs so/ /blo gros chen po tshig gi tshogs ni 'di lta ste/ tshig
100a₆ gi don mang po bden pa dang / gdon mi za ba dang / thug pa dang / dmigs pa zhes bya ba don tha mi dad de/ blo gros chen po de ni tshig gi tshogs ngas bstan pa byas so/ /yang blo gros chen po yi ge'i tshogs ni 'di lta ste/ gang gis ming dang tshig snang bar byed pa yin te/ yi ge dang / rtags
100a₇ dang / mtshan ma dang / dmigs pa dang / 'dogs pa zhes bya ba ni don tha mi dad do/ /gzhan yang blo gros chen po tshig gi tshogs ni 'di lta ste/ tshig thug pa'o/ /blo gros chen po ming ni 'di lta ste/ yi ge rnams kyi rang gi ming tha dad pa a zhes bya ba nas ha'i bar du'o/ /de la blo gros chen

_{iiif viewer powered by OpenSeadragon}

99b - 100b

Texts on this page