| e-texts navigator |
| བོད་ཡིག |
283b1 ba dang / zab mo'i chos rnams la yang bzod pa thob par 'gyur ro/ /khye'u gzhan yang byang chub sems dpa' chos bzhi dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bzhi gang zhe na/ sngon gyi mtha' dben pa dang / phyi ma'i mtha'
283b2 mi 'pho ba dang / da ltar byung ba 'jig par shes pa dang / dus gsum mnyam pa nyid de bzhi po de dag go/ /gzhan yang bzhi ste/ bzhi gang zhe na/ lus dben pa dang / sems dben pa dang / chos dben pa dang / las dben pa ste/ bzhi po de dag go/ /gzhan yang bzhi ste/ bzhi
283b3 gang zhe na/ sangs rgyas la chos nyid du mthong gi gzugs su ma yin pa dang / chos la 'dod chags dang bral bar mthong gi yi ge dang / nges pa'i tshig tu ma yin pa dang / dge 'dun la 'dus ma byas su mthong gi tshogs su ma yin pa dang / shes rab kyi mig yongs su dag par 'gyur
283b4 ba ste/ bzhi po de dag go/ /gzhan yang bzhi ste/ bzhi gang zhe na/ bsdu ba'i dngos po mi gtong bas pha rol tu phyin pa yongs su rdzogs par byed pa dang / thabs dang shes rab la mkhas pa dang / sems can med par rnam par dpyod pa dang snying rje chen po ste/ khye'u byang chub sems dpa'
283b5 chos bzhi po de dag dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur ro/ /bcom ldan 'das kyis bzhi pa bsgrub pa bstan pa 'di bshad pa na khye'u snang ba bsam gyis mi khyab pa mi
283b6 skye ba'i chos la bzod par thob par gyur te/ de dga' ba dang mchog tu dga' ba de nyid kyis ta la bdun srid tsam du steng gi bar snang la mngon par 'phags par gyur to/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa
283b7 mdzad pa'i chos nyid de/ de nas bcom ldan 'das kyi zhal gyi sgo nas 'od 'phro ba kha dog sna tshogs/ kha dog du ma byung ba 'di lta ste/ sngon po dang / ser po dang / dmar po dang / dkar po dang / le brgan dang / dngul gyi kha dog lta bu ste/ kha dog du ma de dag gis 'jig rten gyi khams
iiif viewer powered by OpenSeadragon
Texts on this page
D103 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs