rKTs

e-texts navigator

Volume

Page

283a₁ chos thob pas bsam pa dge bar 'gyur ro/ /bsam pa dge bas sbyor ba dge bar 'gyur ro/ /sbyor ba dge bas dge ba'i las bgyid par 'gyur ro/ /las dge bas 'gro ba dge bar mchi bar 'gyur ro/ /'gro ba dge bas dge ba'i grogs po mgu bar bgyid do/ /
283a₂ grogs po dge bas sdig pa'i las mi bgyid do/ /bgyid par mi 'gyur ro/ /sdig pa ma bgyis shing dge ba'i las bgyis pas bdag la gdung bar mi 'gyur/ gzhan la gdung bar mi 'gyur ro/ /bdag dang gzhan rjes su srung bas byang chub kyi lam yongs su rdzogs par 'gyur ro/ /
283a₃ byang chub kyi lam la gnas pas lam ngan par zhugs pa'i sems can rnams kyi don bgyid nus pa dang / skal ba mchis pa dang / mthu dang ldan par 'gyur ro/ /bcom ldan 'das kyis bka' stsal pa/ rgyal po chen po legs so legs so/ /khyod kyis tshig 'di legs par smras
283a₄ so/ /rgyal po chen po dge ba'i bshes gnyen la brten te/ byang chub sems dpa' sems dpa' chen po yon tan gyi chos nyid thams cad yongs su rdzogs par bya'o/ /de nas bcom ldan 'das la khye'u snang ba bsam gyis mi khyab pas 'di skad ces gsol to/ /bcom ldan 'das
283a₅ byang chub sems dpa' chos du dang ldan na myur du bla na med pa yang dag par rdzogs pa'i byang chub tu mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur/ bcom ldan 'das kyis bka' stsal pa/ khye'u byang chub sems dpa' chos bzhi dang
283a₆ ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur te/ bzhi gang zhe na/ rten cing 'brel bar 'byung ba shes pa la 'jug pa dang / chad pa dang / rtag pa rnam par spong ba dang
283a₇ sems can med pa dang / srog med pa dang / gang zag med par 'jug pa dang / stong pa nyid la mos shing / stong pa nyid la spyod yul ba ste/ byang chub sems dpa' chos bzhi po de dag dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya

_{iiif viewer powered by OpenSeadragon}

282b - 283b

Texts on this page