| e-texts navigator |
| བོད་ཡིག |
282b1 de de ltar mi blta'o/ /de ci'i phyir zhe na/ khye'u snang ba bsam gyis mi khyab pa 'di de'i tshe de'i dus na byang chub sems dpa' sa zhes bya bar gyur to/ /rgyal po chen po 'di'i las kyi sgrib pa ni zad/ kun nas nyon mongs pa'i sems ni rnam par sbyangs/ de bzhin gshegs pa ni mnyes par
282b2 byas/ ngan 'gro thams cad ni bcad nas/ khye'u snang ba bsam gyis mi khyab pa 'dis sangs rgyas bye ba phrag drug cu rtsa bzhi mnyes par byas shing / bsti stang du byas/ ri mo byas/ mchod pa byas nas/ sangs rgyas bcom ldan 'das de dag gi drung du tshangs par spyod pa spyad do/ /
282b3 chos yongs su btsal ba la yang brtson par gyur to/ /rgyal po chen po de sngon gyi dge ba'i rtsa ba 'dis bdag nyid chen po 'di thob bo/ /rgyal po chen po de ltar na las nag po dang / dkar po dag chud za bar 'gyur ba med do/ /rgyal po chen po de lta bas na mkhas pas lus kyi las dang /
282b4 ngag gi las dang / yid kyi las bsdam par bya ste/ srog gi phyir yang sdig pa'i las mi bya'o/ /de nas bcom ldan 'das la yul ko sa la'i rgyal po gsal rgyal gyis 'di skad ces gsol to/ /bcom ldan 'das byang chub sems dpa' lha bzang zhes bgyi bar gyur pa des/
282b5 bla na med pa yang dag par rdzogs pa'i byang chub thob lags sam/ 'on te da dung du yang byang chub sems dpa'i spyad pa spyod par bgyid/ bcom ldan 'das kyis bka' stsal pa/ rgyal po chen po byang chub sems dpa' sems dpa' chen po lha bzang de ni de bzhin gshegs pa mi 'khrugs
282b6 pa'i sangs rgyas kyi zhing na tshangs par spyad pa spyod de/ byang chub sems dpa' sems dpa' chen po dpal 'byung zhes bya'o/ /de nas bcom ldan 'das la rgyal po chen po gsal rgyal gyis 'di skad ces gsol to/ /bcom ldan 'das rigs kyi bu'am rigs kyi bu mos gus par
282b7 bgyis te/ dge ba'i bshes gnyen rnams la bsnyen par bgyi'o/ /bsten par bgyi'o/ /bsnyen bkur bgyi'o/ /de ci'i slad du zhe na/ bcom ldan 'das dge ba'i bshes gnyen la bsnyen cing bsten te/ bsnyen bkur bgyis na dge ba'i chos thob par 'gyur ro/ /dge ba'i
iiif viewer powered by OpenSeadragon
Texts on this page
D103 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs