rKTs

e-texts navigator

Volume

Page

282a₁ g.yog byed do/ /de ha cang grong dang / grong rdal dang / yul 'khor dang / pho brang 'khor dag tu 'jug ste/ zhugs nas kyang bya ba mang zhing byed pa mang bar gyur nas/ byang chub sems dpa' lha bzang des de la khyod ci'i phyir rnal 'byor dang spong ba la brtson par mi
282a₂ byed par ha cang bya ba mang zhing ha cang byed pa mang zhes bsgo zhing bstan to/ /des de la yang dang yang bskul bas de khros shing 'khrugs te yid ma rangs nas/ gnod sems su gyur pa des lus dang sems ma rung bar byas te/ ngan du bsams nas tshig rtsub po smras pa/ nal gyi bu/
282a₃ sbyar ma'i bu/ skyes pa gzhan las grub pa khyod kyi pha ma yang med na/ khyod la shes rab bam/ tshul khrims lta ga la yod ces des ngan du bsams te/ tshig rtsub po smras pa/ mi mthol mi 'chags mi 'dor gyi/ zhe la 'dzin te/ de byang chub sems dpa' lha bzang de la rtag
282a₄ tu ngan sems dang ldan zhing byams pa'i sems med par gyur to/ /byang chub sems dpa' lha bzang gis kyang de snod ma yin no snyam nas bkyed pa dang / de de bas kyang byang chub sems dpa' lha bzang la ngan du sems shing bsngags pa ma yin pa brjod de/ snyan pa ma yin pa dang / grags
282a₅ pa ma yin pa dang / tshigs su bcad pa ma yin pa brjod do/ /de las bsags shing tshogs su byas pa des lus zhig ste/ shi ba'i 'og tu bud med khyim thab med pa'i mngal du skyes so/ /byang chub kyi sems bsrungs pas des na sems can dmyal bar ni ma skyes so/ /de btsas ma thag tu
282a₆ bud med des lam srang chen por bor te/ der de khyi dang / spyang ki dang / ce spyang rnams kyis zos so/ /rgyal po chen po tshul 'di 'dra bar 'di bskal pa dgu bcur sdug bsngal 'di lta bu dang / nyam thag pa 'di lta bus 'chi ba'i dus byas shing btsas pa btsas pa na yang bor bar gyur te/ yang
282a₇ skye bo phal po che 'di skad du nal gyi bu sbyar ma'i bu 'di la khyi dang spyang ki dang / ce spyang rnams za'o zhes 'dzer to/ /rgyal po chen po de'i tshe de'i dus na/ byang chub sems dpa' sa zhes bya bar gyur pa de gzhan zhig yin pa snyam du khyod som nyi'am/ yid gnyis za bar gyur na rgyal po chen po khyod kyis

_{iiif viewer powered by OpenSeadragon}

281b - 282b

Texts on this page