rKTs

e-texts navigator

Volume

Page

281b₁ de dag lus ni rnam par dag par 'gyur/ /gang dag sangs rgyas chos dang tshogs mchog la/ /gus dang bcas par rtag tu mchod byed cing / /gzhan la rdeg 'dod sdigs mo mi byed pa/ /de dag lus ni rnam par dag par 'gyur/ /gang dag gzhan la phrag dog ser
281b₂ sna dang / /de bzhin nga rgyal dag kyang mi byed la/ /gzhan gyi nyes pa byung ba mi rjod pa/ /de dag lus ni rnam par dag par 'gyur/ /gzhan la co dri ba dang smad pa dang / /bshung ba dag ni nam yang mi byed cing / /gzhan la 'khrul pa'i glags lta mi byed pa/ /de dag
281b₃ lus ni rnam par dag par 'gyur/ /de nas bcom ldan 'das la rgyal po gsal rgyal gyis 'di skad ces gsol to/ /bcom ldan 'das khye'u snang ba bsam gyis mi khyab pa 'di chos chen po dang ldan pa lags na/ bcom ldan 'das las kyi sgrib pa gang zhig gis/ khye'u
281b₄ 'di bud med khyim thab ma mchis pa'i mngal du skyes la/ der yang khang stong du bor bar gyur/ bcom ldan 'das kyis bka' stsal pa/ rgyal po chen po sngon byung ba 'das pa'i dus na/ 'di nas bskal pa dgu bcu rtsa gcig 'das pa/ de'i tshe de'i dus na/ de bzhin gshegs pa
281b₅ dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du
281b₆ byung ngo / /rgyal po chen po de'i tshe de'i dus na/ bcom ldan 'das de bzhin gshegs pa rnam par gzigs de'i gsung rab la byang chub sems dpa' gnyis shig byung ste/ lha bzang zhes bya ba dang / sa zhes bya ba'o/ /de la byang chub sems dpa' lha bzang zhes bya bar gyur pa gang yin
281b₇ pa de ni phyir mi ldog par gyur cing / /don du nyung ba/ bya ba nyung ba/ dben pa la dga' ba/ bsam gtan dang / mngon par shes pas rnam par brtse bar gyur to/ /de la byang chub sems dpa' sa zhes bya bar gyur pa gang yin pa de ni chos rgya chen po dang ldan par ma gyur te/ lha bzang gi

_{iiif viewer powered by OpenSeadragon}

281a - 282a

Texts on this page