| e-texts navigator |
| བོད་ཡིག |
274a1 deng chos kyi rnga chen po rdung bar 'gyur te/ lha'i ris du ma zhig deng chos mngon par rtogs pa thob par byed par 'gyur ro/ /sems can dmyal ba pa'i sems can log par ltung ba la gnas pa mang po dag kyang de bzhin gshegs pa'i ye shes bstan pa thos
274a2 nas 'khor ba bsnyil te rgyal bar 'gyur ro/ /de'i tshe sems can rgan po bye ba stong phrag dgu bcu thams cad kyis rgyun du zhugs pa'i 'bras bu 'thob ste/ de dag thams cad kyang chos dang ldan par 'gyur ro/ /sman gyi sde de dag thams cad ni sdug bsngal thams cad yongs su
274a3 spangs par 'gyur ro/ /sman gyi sde de dag thams cad ni de bzhin gshegs pa mthong ba sgrub par 'gyur ro/ /sman gyi sde de dag thams cad ni chos chen po'i sgra dang ldan par 'gyur ro/ /sman gyi sde phyogs bzhir ltos shig /byang chub sems dpa' sems dpa' chen po
274a4 sman gyi sdes phyogs bzhi kun tu bltas pa dang / shar phyogs nas byang chub sems dpa' gang gA'i klung bye ba phrag lnga bcu'i bye ma snyed 'ong / lho phyogs nas byang chub sems dpa' gang gA'i klung bye ba phrag drug cu'i bye ma snyed 'ong / nub phyogs nas byang chub sems dpa' gang gA'i
274a5 klung bye ba phrag bdun cu'i bye ma snyed 'ong / byang phyogs nas byang chub sems dpa' gang gA'i klung bye ba phrag brgyad cu'i bye ma snyed 'ong / 'og gi phyogs nas byang chub sems dpa' gang gA'i klung bye ba phrag dgu bcu'i bye ma snyed 'ong / steng gi phyogs nas byang chub sems dpa' gang gA'i klung bye ba
274a6 phrag brgya'i bye ma snyed 'ong ste/ de dag lhags nas bcom ldan 'das kyi spyan sngar phyogs gcig tu 'khod do/ /phyogs gcig tu 'khod pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das nam
274a7 mkha' bar snang la gzugs nag po dang / gzugs dmar po gda' ba ci lags/ bka' stsal pa/ sman gyi sde gang bar snang la gzugs nag po dang / gzugs dmar po mthong ba 'di ci yin mi shes sam/ de bzhin gshegs pas ni mkhyen te/ sman gyi sde
iiif viewer powered by OpenSeadragon
Texts on this page
D102 - 'phags pa zung gi mdo'i chos kyi rnams grangs