rKTs

e-texts navigator

Volume

Page

273b₁ gal te bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sems
273b₂ dpa' chen po sman gyi sde la 'di skad ces bka' stsal to/ /sman gyi sde khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /gsol pa/ bcom ldan 'das sems can gzhon nu bye ba stong phrag
273b₃ sum cu byung ba de dag gis de bzhin gshegs pa'i chos phra ba bstan pa rtogs nas/ sems can rgan po rnams la sems can rgan po khyed rnams ni chos mi shes pa'o/ /rtag tu chos ma yin pa dang / mi dge ba la chags pa'o/ /zhes phra mo rnams
273b₄ mi snyan pa mchi zhing yongs su rjod la gnod pa bgyid na/ bcom ldan 'das de ci'i slad du tshig snyan pa yid du 'ong ba 'di dag smras/ bcom ldan 'das kyis bka' stsal pa/ sman gyi sde de dag ci'i phyir tshig 'di skad smra ba mi shes sam/ de dag ni
273b₅ de bzhin gshegs pa la 'jam zhing shin tu snyan pa smra ste/ chos kyang thos pas sman gyi sde de'i phyir de dag chos thams cad kyi don khong du chud par 'gyur/ yon tan thams cad dang ldan par 'gyur/ de dag thams cad gzungs rtogs par 'gyur/ deng phyin chad sa
273b₆ bcu la gnas par 'gyur/ deng chos kyi rnga chen po'i sgra 'byin par 'gyur/ deng chos chen po'i rnam pa dang ldan par 'gyur ro/ /sman gyi sde khang pa brtsegs pa 'di dag mthong ngam/ gsol pa/ bcom ldan 'das mthong lags so/ /bde bar gshegs pa mthong
273b₇ lags so/ /bcom ldan 'das kyis bka' stsal pa/ sman gyi sde deng nyid sems can gzhon nu 'di dag khang pa brtsegs pa 'di dag gi nang du zhugs nas chos mngon par rtogs pa 'thob par 'gyur ro/ /deng nyid dge ba'i chos thams cad yongs su rdzogs par byed par 'gyur ro/ /

_{iiif viewer powered by OpenSeadragon}

273a - 274a

Texts on this page