rKTs

e-texts navigator

Volume

Page

269a₁ ro/ /sa bcu la rab tu gnas nas mya ngan las 'das pa'i dbyings rjes su 'thob par 'gyur ro/ /rga dang 'chi las thar bya'i phyir/ /las byas bde ba thob byed cing / /nyon mongs zhags pa pham byas nas/ /sangs rgyas bstan pa 'thob par 'gyur/ /
269a₂ gsol pa/ bcom ldan 'das sems can gyi gnas mang po las sna tshogs kyis byung ba 'di ci'i slad du/ bcom ldan 'das la bskor cing gnas/ bcom ldan 'das kyis bka' stsal pa/ sman gyi sde nyon cig /sems can rmongs pa mi shes pa/ /thar bar
269a₃ 'gyur ba ga la yod/ /sems can gzhon nu mang po dag /de ring gzugs rnams thob par 'gyur/ /sa bcu dag ni 'thob pa'i phyir/ /chos kun rab tu shes par 'gyur/ /sa bcu dag kyang 'thob par 'gyur/ /sangs rgyas bya ba byed par 'gyur/ /chos
269a₄ kyi 'khor lo bskor bar 'gyur/ /chos char rab tu 'bebs par 'gyur/ /de ltar sems can 'dus pas na/ /nga yi bstan pa dga' ba'o/ /lha dang klu dang dang / /lha min shin tu mi bzad pas/ /sa bcu la ni rab gnas te/ /chos
269a₅ kyi sgra yang sgrogs par 'gyur/ /chos kyi rnga yang rdung bar 'gyur/ /chos kyi dung yang rab tu 'bud/ /sems can gzhon nu 'di dag kyang / /brtson 'grus mthu dang ldan par 'gyur/ /de bzhin gshegs pas thob pa bzhin/ /de dag deng ni
269a₆ chos thob 'gyur/ /de nas sems can gzhon nu lnga stong tsam stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gang phyir mtha' ni ma 'tshal ba/ /'khor
269a₇ ba na ni 'chi ba ste/ /lus ni khur lci bcom ldan 'das/ /'jigs pa chen po mi bzad pa/ /lam ni rnam par ma 'tshal te/ /lam nyid kyang ni mi gda' bas/ /mgon po bdag cag ldongs gyur na/ /bdag cag rnams ni bsdu bar gsol/ /

_{iiif viewer powered by OpenSeadragon}

268b - 269b

Texts on this page