rKTs

e-texts navigator

Volume

Page

264a₁ rab tu 'thob par 'gyur zhing chos thams cad dang yang ldan par 'gyur ba de dag mthong ngam/ gsol pa/ bcom ldan 'das thabs gang gis sems can mang po zhig 'dus shing chos kyi phung po nyan/ de nas bcom ldan 'das kyis byang chub sems dpa' sems dpa'
264a₂ chen po sman gyi sde la bka' stsal pa/ sman gyi sde gang dag skye ba nyid du sdug bsngal du mi nyan/ rga ba nyid du sdug bsngal du mi nyan/ nad nyid sdug bsngal dang / mya ngan sdug bsngal dang / smre sngags 'don pa sdug bsngal dang / sdug pa dang bral ba dang sdug bsngal dang / mi
264a₃ sdug pa dang phrad pa sdug bsngal du mi nyan pa'i sems can yang phal cher yod do/ /'chi ba ni sdug bsngal thams cad kyi phyir lus dang srog 'phrog pa yin te/ sman gyi sde 'di ni sdug bsngal thams cad ces bya'o/ /de nas sems can gzhon nu de dag gis bstan pa 'di thos nas/
264a₄ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag cag kyang 'gum par 'gyur ro/ /bcom ldan 'das kyis bka' stsal pa/ khyed dang sems can thams cad kyang 'chi'o/ /de dag gis
264a₅ gsol pa/ bcom ldan 'das ji ltar 'chi ba'i dus kyis non par 'gyur/ bcom ldan 'das kyis bka' stsal pa/ rigs kyi bu dag 'chi ba'i dus na rnam par shes pa tha ma la rnam par shes pa 'gag par byed pa zhes bya ba'i rlung dang / rnam par shes pa 'khrul bar byed pa zhes bya ba'i rlung
264a₆ dang / rnam par shes pa 'khrugs par byed pa zhes bya ba'i rlung dang / rigs kyi bu rlung gsum po 'di dag gis 'chi ba'i dus kyi tshe rnam par shes pa tha ma la klong bar 'gyur/ 'khrul bar 'gyur/ 'khrug pa skyed par 'gyur ro/ /de dag gis gsol pa/ bcom ldan 'das 'chi ba'i dus kyi tshe rnam
264a₇ par shes pa 'gag pa na lus 'joms par bgyid pa'i rlung gsum po gang lags/ bcom ldan 'das kyis bka' stsal pa/ grogs po dag mtshon zhes bya ba dang / skul ba zhes bya ba dang / zed pa zhes bya bas lus 'joms par byed do/ /gsol pa/ bcom ldan 'das lus zhes bgyi ba ji lta bu

_{iiif viewer powered by OpenSeadragon}

263b - 264b

Texts on this page