rKTs

e-texts navigator

Volume

Page

261a₁ shing las mi 'byung ba khyod kyis ma mthong ma thos sam/ gsol pa/ bcom ldan 'das bdag gis ma mthong ma thos so/ /bcom ldan 'das kyis bka' stsal pa/ sman gyi sde khyod mthong bar 'dod na deng ngas bstan par bya'o/ /gsol pa/ bcom ldan 'das
261a₂ 'tshal lo/ /bde bar gshegs pa 'tshal lo/ /de nas de bzhin gshegs pa zla ba can gyi zhing nas phyag rkyang ba dang phyag de las skye bo'i tshogs bye ba stong phrag brgya byung ste/ skye bo'i tshogs re res kyang lag pa brgya brgya brkyang nas spos dang / phreng ba dang / byug pa sna tshogs de bzhin
261a₃ gshegs pa la gtor ba dang / bcom ldan 'das kyis bka' stsal pa/ sman gyi sde khyod kyis skye bo'i tshogs 'dis de bzhin gshegs pa la spos dang / phreng ba dang / byug pa gtor ba mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /
261a₄ bcom ldan 'das kyis bka' stsal pa/ skye bo'i tshogs byung ba 'di dag ni sems pa med pa'o/ /mi 'di dag ni sems pa med pa'o/ /de nas mi bye ba stong phrag brgya po de dag re re zhing yang gang lag pa brgya brgya yod pa de dag thams cad lhung ngo / /de nas byang chub sems dpa' sems
261a₅ dpa' chen po sman gyi sdes de mthong nas/ bcom ldan 'das la 'di skad ces gsol to/ /bcom ldan 'das 'di ci zhig lags/ bde bar gshegs pa 'di ci zhig lags/ gang mi rnams kyi lag pa brgya po yang yud tsam gyis lhung ste/ bcom ldan 'das gal te
261a₆ lag pa brgya pa yang grol bar mi 'gyur na/ lag pa gnyis pa'i mi lta smos kyang ci 'tshal/ bcom ldan 'das kyis bka' stsal pa/ sman gyi sde de bzhin du sems can rnams ni sems pa med par skye'o/ /sems pa med par 'gag go/ /sman gyi sde de'i lus kyang sems pa
261a₇ med par gyur par shes par bya'o/ /gsol pa/ bcom ldan 'das gang sems can de dag la gzhon pa gang lags/ rgan pa gang lags/ bcom ldan 'das kyis bka' stsal pa/ sman gyi sde sems can gzhon pa yang yod/ rgan pa yang yod do/ /gsol pa/ bcom

_{iiif viewer powered by OpenSeadragon}

260b - 261b

Texts on this page