| e-texts navigator |
| བོད་ཡིག |
259a1 gser gyi ze ba can/ gser gyi mchu can gser gyi gdong can bye ba phrag nyi shu rtsa lnga lnga byung ste/ de dag gis mi'i skad du smras pa/ rgyal po khyod kyis legs ma byas/ /khyod kyis shing de bcad pas na/ /bye ba brgya yi shing rnams las/ /nyi shu rtsa
259a2 bzhir gnas par gyur/ /sems can gang gis shing bskyed 'di/ /ci 'dra shes pa ma yin pa/ /sdig pa'i las kyis phyin chad kyang / /mi sdug 'bras bu myong bar 'gyur/ /rgyal pos smras pa/ bdag gis don 'di mi shes kyis/ /dka' thub chen po lung ston
259a3 cig / bya rnams kyis smras pa/ 'di ni 'jig rten snang byed de/ /rnam par 'dren par 'gyur ba yin/ /'khor ba'i srid pa'i btson ra las/ /sems can thams cad thar byed pa'o/ /rgyal pos smras pa/ gang gis shing ni ma skyes pa/ /skyes bu gnyis pa de gang yin/ /
259a4 des ni sdig pa'i las gang byas/ /gnyis skyes rnams ni smra bar byos/ /bya rnams kyis smras pa/ gang gi shing ni ma skyes pa/ /de ni lha sbyin glen pa ste/ /dge ba cung zad ma byas na/ /de yi shing ni ji ltar skye/ /de nas de'i tshe de'i dus na blon po bye ba phrag sum cu po
259a5 rnams kyis chos kyi rnam grangs 'di thos nas thams cad kyang sa bcu la rab tu gnas te/ mngon par shes pa so sor thob par gyur to/ /rgyal po de yang sa bcu la gnas nas dge ba'i chos mngon par rtogs pa rjes su thob bo/ /de nas bcom ldan 'das la byang chub sems dpa'
259a6 sems dpa' chen po sman gyi sdes 'di skad ces gsol to/ /bcom ldan 'das rgyu gang dang rkyen gang gis blon po bye ba phrag sum cu rtsa gsum po rnams sa bcu la gnas te/ mngon par shes pa so sor thob par gyur/ bcom ldan 'das kyis bka' stsal pa/ sman gyi sde nyon
259a7 cig dang lung bstan par bya'o/ /de nas de'i tshe bcom ldan 'das 'dzum pa mdzad do/ /de nas de'i tshe bcom ldan 'das kyi zhal gyi sgo nas 'od zer kha dog du ma kha dog sna tshogs/ kha dog brgya stong phrag du ma 'di lta ste/ sngon po dang / ser po dang / dmar po dang / dkar po dang /
iiif viewer powered by OpenSeadragon
Texts on this page
D102 - 'phags pa zung gi mdo'i chos kyi rnams grangs