rKTs

e-texts navigator

Volume

Page

252a₁ stegs can dag 'gyod pa chen po bsal ba dang / chos kyi sgron ma chen po 'bar bar bya ba'i phyir go cha chen po bgos nas 'dri ba'i gleng gzhi chen po 'dri ste/ phyi ma'i dus na sems can gzhon nu dang / rgan po rnams skye ba dang 'jig pa shes par 'gyur ro/ /sman gyi sde sems
252a₂ can rgan po dag kyang gzhon nu bzhin du ci yang mi shes pa yang yod do/ /sman gyi sde 'di lta ste/ dper na skyes bu la la zhig skra bkrus nas gos gsar pa bgos te/ de khyim gyi phyi rol tu byung ba de la sems can rnams kyis khyod gos gsar pa legs par bgos so zhes smras pa dang /
252a₃ sems can gzhan zhig kyang mgo bkrus nas gos rnying pa yang bkrus te bgos pa dang de zegs pas mi de skra bkrus kyang mdzes par ma gyur la/ de'i gos kyang mdzes par ma gyur pa de bzhin du/ sman gyi sde 'dzam bu'i gling na sems can rgan po yod pa dag ni mdzes pa ma yin te/ sems
252a₄ can gzhon nu dag ni skye ba dang 'gag pa ston to/ /de nas bram ze dang gzhan mu stegs can spyod pa pa dang / kun tu rgyu de dag thams cad stan las langs nas bcom ldan 'das la 'di skad ces gsol to/ /bcom ldan 'das bdag cag gi nang na gzhon nu ni gang lags/ rgan po ni gang
252a₅ lags/ bcom ldan 'das kyis bka' stsal pa/ khyed cag ni yang dang yang sems can dmyal ba dang / dud 'gro dang / rnams su tshor ba myong yang khyed da dung du ngoms mi myong bas khyed cag ni rgan pa'o/ /de nas bcom ldan 'das la bram ze de dag thams cad dang / klu'i rgyal po
252a₆ thams cad kyis 'di skad ces gsol to/ /bcom ldan 'das slan chad 'khor bar sdug bsngal gyi tshor ba myong ba la mi spro'o/ /gang gzhan mu stegs can spyod pa pa dang / kun tu rgyu dang / gcer bu pa rnams kyis 'di skad ces smras so/ /sems can gzhon nu rnams las kyang
252a₇ gang chos nyid mngon sum du byed nus pa med do/ /de skad ces smras pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das ci'i slad du sems can rnams mos pa dka' ba la gzigs su gsol/ bcom

_{iiif viewer powered by OpenSeadragon}

251b - 252b

Texts on this page